നിശ്വാസോഗ്രാട്ടഹാസൈസ്ത്രിദശകുലപതിഃ കമ്പിതാശാന്തരോഭൂത്

സ്വർഗ്ഗപ്രാപ്താത്തവൃത്തിസ്തദനു ദനുസുതം സംഗരായാഹ്വയന്തം

നിശ്ശേഷാസ്ത്രാണി ധൃത്വാ കുലിശഭൃദധികം സ്പർദ്ധാമാനോ നിതാന്തം

പ്രാഹൈനം മാല്യവന്തം ഗിരമഭിപതിതം രാക്ഷസേന്ദ്രം രണായ

 

 

താവദ്രാക്ഷസരാട് സ രൂക്ഷഹൃദയഃ പ്രക്ഷോഭ്യ രക്ഷോബലൈ-

സ്സംക്ഷോഭാരവരൂക്ഷകാക്ഷരവിപാക്ഷാക്ഷേപവാക്യം ജഗത്

സർവ്വം ഗർവിതസോദരപ്രഭൃതിഭിര്യുദ്ധായ ബദ്ധോദ്യമഃ

ക്രുദ്ധഃ പ്രാപ്യ സമന്തതസ്സുരപദം രുദ്ധ്വാ ത്വഭാണീദ് ഗിരം

 

 

ജംഭനിഷൂദനനെന്നൊരുവൻപും, 

സാമ്പ്രതമായ് വളരുന്നൊരു ഡംഭും

ഉമ്പരിൽ മുമ്പുളവായൊരു വൻപും

സപ്രതികാണണമരുവയരൻപും

 

കുടിലതതേടുന്നവരുടെ മുമ്പേ ഝടിതി 

രണായ ഗമിച്ചിടുകെന്നാൽ

പടുപടഹദ്ധ്വനിസേനകളാലേ

പൊടിപെടുമാറമരാവതിയിപ്പോൾ

പോക നാം വിരവിൽ സോദരന്മാരേ! പോക നാം വിരവിൽ

നാരദമാമുനി ചൊന്നൊരുദന്തം 

ചേരുമഹോ പുനരിന്നിതു ബന്ധം

പോരിലവർക്ക് വരും ദൃഢമന്തം

നേരിടുകിൽ ബഹുകർമ്മദുരന്തം!

 

ഇക്കാലം മുതലായിവരെന്നും 

ധിക്കാരം ചെയ്യരുതരുതൊന്നും

പോർക്കായിങ്ങു ഗമിച്ചിടുകെന്നാൽ

പോക്കാമിന്നിവരുടെ മദമെല്ലാം

രാക്ഷസേശ്വര, രാജശേഖര!

രാക്ഷസരോടമർചെയ്വതിനംബുരു-

ഹേക്ഷണനിങ്ങു വരുന്നെന്നാകിൽ

കാൽക്ഷണവും വൈകാതെ നമുക്കൊരു-

പേക്ഷയിതെന്തു നിനയ്ക്കിലിദാനീം?

 

ദേവകൾചൊല്ലാലെങ്കിലവർക്കിഹ

കേവലമിന്നിതുതന്നെ വിനാശം

കേശവനുണ്ടു സഹായമതെന്നാ-

ലാശു നമുക്കതിനില്ലെന്നുണ്ടോ?

ശ്രീമത്സുവൃത്തമിദമദ്ഭുതമേവമുക്ത്വാ

ശ്രീനാരദോ നിരഗമത് സ തു വായുവീഥ്യാ

രക്ഷോവരസ്തദനു മാലിസുമാലിനൗ താ-

വാഹൂയ ചേദമവദന്നിജമന്ത്രിവീരാൻ

 

എന്നതുകൊണ്ടിപ്പോൾ നിങ്ങളുമിന്നു നന്നായ്പൊരുതുജയിക്കേണം

മന്നിൽ പുരത്തിൽ തിലകമാം ലങ്കയെ

നന്നായുറപ്പിക്ക ഞാനിതാ ധാവതി

അണ്ടർകുലനാഥനൊടു ഞാൻ പൊരുമളവിൽ ഇണ്ടലൊടു മണ്ടീടുമവൻ

ശണ്ഠ  വേണ്ടീടുകിൽ

കുണ്ഠത നമുക്കു നഹി കണ്ടിടുകഹോ ഭവാൻ

നക്തഞ്ചരാധിപ, മാല്യവൻ, മദമത്തകായജിതമാല്യവൻ

ഉക്തിം മം ശൃണു സാലകടങ്കടാ-

പൗത്ര, നിശാചരവാരിധിചന്ദ്ര

 

ബുദ്ധിമാനെങ്കിലും മാനസേ തവ ശത്രുമതമറിയേണമേ

മത്തനായ് മേവുമ്പോൾ തെറ്റും നൃപകാര്യം

ബുദ്ധിമതാം ബഹുമാനമതോർക്കിലോ

പാകശാസനാദിവാനവർ ക്ഷീരസാഗരേ ചെന്നങ്ങുണർത്തിനാർ

പാരമാം നിങ്ങടെ ദൂഷണം കേട്ടപ്പോൾ

നാഗാരിവാഹനൻ കോപിച്ചതുനേരം