ആര്യപുത്രാ കേള്‍ക്ക വീര്യജലനിധേ

 

കമനീയരൂപ തവ കമനീയാകുമെന്നുടെ
ധമനിയില്‍ ക്ഷാത്രരക്തഗമനമുണ്ടെന്നാകിലും

 

അളവില്ലാതൊരു ഭയം വളരുന്നതതിനാലേ

പിളരുന്നൂ മനം ഹാ തളരുന്നൂ തനുപാരം

 

പോരില്‍ ഭവാനു മൃത്യു നേരിടുമെങ്കിലോ

വേറിടും മമ ജീവന്‍ വേറെന്തു ഞാന്‍ ചൊല്‍വൂ ?

വീര്യാംബുരാശി വിജിഗീഷു യശേഷുവൈര

നിര്യാതനോത്സുക നധൃഷ നതിപ്രഭാവാന്‍

ദുര്യോധനന്‍ വിധുരയായ് മരുവുന്ന തന്‍റെ

ഭാര്യക്കു സാന്ത്വന വച്ചസ്സുകളിത്ഥമൂചേ

 

കാതരവിലോചനേ കാതരയാകുവാന്‍

കാരണമെന്തെടോ കാമിനിമാര്‍മണേ

 

ഇന്ദുസമാനാനനം തന്നില്‍നിന്നഹോമൃദു-

മന്ദഹാസമാംനറും ചന്ദ്രിക മാഞ്ഞിതോ ?

 

തുംഗാനുരാഗിണി നിൻ ഭംഗികള്‍ തിങ്ങീടിന

ശൃംഗാരവിലാസങ്ങളെങ്ങു പോയോമലേ ?

പ്രാണനായികേ തവ ദീനത കാണുവാന്‍

 

 

പുതിയ ആട്ടക്കഥകളിൽ പ്രചുരപ്രചാരം നേടിയ ഒരേ ഒരു ആട്ടക്കഥയാണ് കർണ്ണശപഥം. ഈ ആട്ടക്കഥ എഴുതിയത് മാലി എന്ന തൂലികാനാമത്തിൽ അറിയപ്പെടുന്ന ശ്രീ വി. മാധവൻ നായർ ആണ്. അദ്ദേഹം മലയാളത്തിലെ പ്രശസ്തനായ ഒരു ബാലസാഹിത്യരചയിതാവായിരുന്നു. മാലി, ഒരേ ഒരു ആട്ടക്കഥ മാത്രമേ രചിച്ചിട്ടുള്ളൂ. അതാകട്ടെ ആസ്വാദകർ ഏറ്റെടുക്കുകയും ചെയ്തു.