പിതാവിന്റ്റെ കേള്‍ക്കാന്‍ വയ്യാത്തതായ വാക്ക് കേട്ട്  സതി കൈലാസത്തിലേക്ക് പോയി, മനസ്സില്‍ ലജ്ജയോടും ഭയത്തോടും കോപത്തോടും ദു:ഖത്തോടും കൂടി ശിവന്റ്റെ മുന്നില്‍ ചെന്ന് ഇപ്രകാരം പറഞ്ഞു.

അല്ലയോ തിങ്കള്‍ മൌലേ! ദേവദേവാ, എന്റെ വാക്കുകള്‍ കേട്ടാലും. എന്‍റെ അപരാധമെല്ലാം ഭവാന്‍ പൊറുക്കണം. മാനിക്കേണ്ടതായ അങ്ങയുടെ വാക്കുകള്‍ മാനിക്കാതെ പോയതുമൂലം എനിക്ക്  മാനഭംഗം വന്നു. കഷ്ടം! അച്ഛന്‍ എന്റെ മാനഹാനി ചെയ്തതിന് സങ്കടമില്ല. നിന്തിരുവടിയെക്കൂടെ നിന്ദിക്കുന്നത് ഞാന്‍ സഹിക്കുന്നില്ല. ദുഷ്ടനായ ദക്ഷനെ കൊല്ലുവാന്‍ ഒട്ടും താമസിക്കരുത്. അവന്‍ ഇനിമേലില്‍ എന്റെ അച്ഛനല്ല