നീലോല്പലം കൊണ്ട് കണ്ണുകളും.. എന്ന് തുടങ്ങുന്ന കീചകന്റെ ആട്ടം

ഇന്ദീവരേണ നയനം മുഖമംബുജേന

കുന്ദേന ദന്തമധരം നവ പല്ലവേന

അംഗാനി ചമ്പകദളൈശ്ച വിധായവേധാ

ബാലേ കഥം രചിതവാനുപലേനചേതാ: 

എന്ന ശ്ലോകത്തെ അടിസ്ഥാനമാക്കി ചിട്ടപ്പെടുത്തിയിട്ടുള്ളതാണ്. ഇതിനു പകരമായി 

കല്യാണാംഗീ തവാധരം തരിളിനാല്‍ ഉണ്ടാക്കിനാന്‍ നാന്മുഖന്‍

മുല്ലപ്പൂമലര്‍കൊണ്ടു ദന്തനിവഹം കാര്‍കൊണ്ടു നിന്‍ കേശവും

ഫുല്ലാം മാര്‍ദ്ദവ വസ്തുനാല്‍ കൃതമിദം കല്ലാല്‍ മനസ്സെന്തെടോ? 

എന്ന ഭാഷാശ്ലോകവും ഇവിടെ ആടാറുണ്ട്. മനോധമാനുസ്സരണം ‘അഹോ! സുന്ദരീ, ബ്രഹ്മാവ് നിന്റെ അവയവങ്ങളെല്ലാം പുക്കള്‍, തളിരുകള്‍ എന്നിങ്ങിനെ മാര്‍ദ്ദവമുള്ള വസ്തുക്കളെക്കൊണ്ട് നിര്‍മ്മിച്ചു. എന്നാല്‍ മനസ്സുമാത്രമെന്തേ കല്ലുകൊണ്ടായാത്?’ എന്ന് ചുരുക്കത്തിലും ഈ ഭാഗം ആടാറുണ്ട്.

ആട്ടക്കഥയിൽ പറയുന്നത്, സൂര്യൻ അയച്ച മദോത്ക്കടൻ എന്ന രാക്ഷസൻ കീചക്നെ എടുത്ത് വലിച്ചെറിഞ്ഞു എന്നും കീചകനും അംഗഭംഗം നേരിട്ടു എന്നുമാണ്. അത് ഇപ്പോൾ ആടാറില്ല. അടുത്ത രംഗങ്ങൾ നോക്കുക.