അന്തിയല്ലിനന്‍ - അസ്തമിപ്പതിനിന്നു നാഴിക നാലിനി
അന്ധകാരമിതോര്‍ക്ക, നിന്നുടെ മൃത്യുവിന്‍
നിഴലാണെടാ.
നില്ലുനില്ലട! സൂകരധ്വജ! ഗൂഢ തന്ത്ര വിചക്ഷണ!
കൊല്ലുമിക്ഷണമാശുപാശുപതാസ്ത്രമെയ്തു നൃപാധമ!

കുന്തിതനയ! നിന്റെ ശപഥം ചിത്രമോര്‍ക്കിലെത്രയും
അന്തിയായിതല്ലോ, കൃഷ്ണന്‍ ഗോപീഗേഹം പൂകിയോ?
ഭഗ്നമായി താവക സത്യമിന്നു ഫല്‍ഗുന!
അഗ്നിയിങ്കല്‍ ചാടിവേഗമാത്മാഹൂതി ചെയ്യുക!.
 

ഇടശ്ലോകം:
ശക്രാത്മജസ്യ പരിതാപ വിമോചനാര്‍ത്ഥം
ചക്രായുധേന ഹരി, സൂര്യമുഖം മറയേ്ക്ക
ദിക്കൊക്കെയാര്‍ന്നു തരസാതിമിരത്തിനൊപ്പം
തത്ക്കാലമെത്തിയ ജയദ്രഥശബ്ദഘോഷം.

പാര്‍ത്ഥാ, നിനക്കിണ്ടലേതുമേ വേണ്ടെടോ!
വ്യര്‍ത്ഥം ഭവിച്ചിടാ നിന്‍െറ സത്യം, സഖേ
മാര്‍ത്താണ്ഢ ബിംബം മറച്ചുഞാനര്‍ജ്ജുനാ!
അന്ധാന്ധകാരം ചമച്ചിടാ മഞ്ജസാ
അന്തിയെന്നോര്‍ത്തുടന്‍, അന്തികെ വന്നീടും
സൈന്ധവന്‍, തന്നെ വധിക്ക നീ, സാമ്പ്രതം.
മൂര്‍ദ്ധാവു ഭൂമിയില്‍ വീഴെ്ത്താലാ, തത്ക്ഷണം
വൃദ്ധനാം തല്‍താത പാണിയില്‍ ചേര്‍ക്കണം
 

നിഴല്‍ നീളുന്നതു കണ്ടു പാര്‍ത്ഥന-
ങ്ങഴലേറീ, നിജസത്യമോര്‍ക്കവേ,
വഴിയുണ്ടെന്നു പറഞ്ഞു മാധവന്‍
വഴിയേ, ഗൂഢമുരച്ചു തന്ത്രവും
 

ശ്ലോകം
പാര്‍ത്ഥപ്രതിജ്ഞയതു കേട്ടഥ സിന്ധുഭൂപന്‍
യുദ്ധാങ്കണത്തിലതി ഭീതി കലര്‍ന്നൊളിയേ്ക്ക
യുദ്ധം തുടര്‍ന്നു; പകല്‍ നാഴിക നാലുനില്‍ക്കേ
ഇത്ഥം കഥിച്ചു കപികേതനനുഗ്രകോപാല്‍.

പദം
(ദുര്യോധനനോട്)
നാഗകേതന! കപടനാടകമടരിലെന്തിനു ദുര്‍മ്മതേ!
വേഗമിങ്ങയി വിട്ടയയ്ക്കുക, പോരിനായ്, ത്തവ സ്യാലനെ.
(സൈന്ധവനോട്)
പോര്‍ക്കളത്തിലൊളിക്കയോ ജള!, പോരിനെത്തുക സൈന്ധവാ!
നേര്‍ക്കുനേരേയെതിര്‍ത്തു സമ്പ്രതി, കാട്ടുനിന്നുടെ വൈഭവം,

സാഹസമെന്നു നീ ചൊന്നു സഹാസമോ?
സാദ്ധ്യമല്ലാതെന്തു പാര്‍ത്ഥനു പാരിതില്‍?

(മുറിയടന്ത)
ഹന്ത! മദാന്ധനാം സൈന്ധവ സിന്ധുരം
എന്തീ ഹരിയോടു പോരിനു പോരുമോ?
 

ഗൂഢപ്രയോഗം ചതിയും നടത്തുവാന്‍
പ്രൗഢനാണിന്നവനെന്നതറിയാതെ
ഇത്ഥമൊരുഗ്രമാം സത്യം വരിച്ചതും
പാര്‍ത്ഥ! നിനയ്ക്കുകില്‍ സാഹസം താനെടോ!
 

(മുറിയടന്ത)
വഞ്ചതി ചെയ്ത ജയദ്രഥന്‍ തന്നോടീ-
യര്‍ജ്ജുനന്‍ നൂനം പ്രതികാരം ചെയ്തീടും
(ചമ്പട)
നാളെ സവിതാവസ്തമയാദ്രിയിലെത്തീടും മുമ്പേ
നിധനം ചെയ്തിടുമവനെ, ഞാനിഹ ശപഥം ചെയ്യുന്നു.
(മുറിയടന്ത)
സിന്ധുക്ഷിതീശനെ നാളെ വധിയ്ക്കായ്കില്‍
വഹ്നിയില്‍ ഗാണ്ഡീവ ധന്വാവു ചാടിടും.