ഹരഹര ശിവ ശംഭോ ശങ്കരാ വിശ്വമൂർത്തേ

ശിവശിവ ശരണം ത്വം ശൈശവം മേ ക്ഷമസ്വ

ഹിമഗിരിസുതയെന്നും ഞാനറിഞ്ഞീല ദേവീ

മമകൃതമപരാധം സർവ്വമേതൽ ക്ഷമസ്വ

ഉത്തിഷ്ഠ തിഷ്ഠ സുകുമാരകളേബരാ നീ-

യത്തല്പെടായ്ക കുരുവീരകുലപ്രവീര

അത്യർത്ഥമിന്നു തവ ബാഹുബലങ്ങൾ കാണ്മാൻ

ചിത്തേ നിനച്ചു പുനരിത്തൊഴിലിന്നുകാട്ടി

 

തെറ്റെന്നു നിന്നോടു കയർത്തു ഞാനു-

മൂറ്റങ്ങളെല്ലാം പരിചോടറിഞ്ഞു

ഏറ്റം പ്രസാദം തവ തല്ലുകൊണ്ടും

മാറ്റീടുവൻ ഞാനിഹ ലോകദുഃഖം

 

ഭൂമൗ തൽപുഷ്പതല്പേ വിജയനഥ പതിച്ചാകുലപ്പെട്ടു പാരം

പൂമെയ് കൈകാൽതളർന്നങ്ങധികവിവശനായ് വീണുകേണോരു പാർത്ഥൻ

സോമാപീഡം ശിവം തം സവിധഭുവി വരം മൃത്തുകൊണ്ടേ ചമച്ചു

ശ്രീമാനർച്ചിച്ച പുഷ്പം സകലമഥ കിരാന്മൗലിയിൽ കണ്ടു ചൊന്നാൻ

 

പല്ലവി:

മന്മഥനാശന മമ കർമ്മമേവമോ ?

ജന്മമൊടുങ്ങുവാൻ വരം കൽമഷാരേ തരേണമേ.

ചരണം1:

ദേവദേവ തവ പാദേ ആവോളം ഞാനർച്ചിച്ചൊരു

പൂവുകൾ കാണുന്നിതല്ലോ കേവലം കാട്ടാളമൗലൗ !

അന്തകാരിഭഗവാന്താനെന്തിതെന്നെചതിക്കയോ ?

നല്ല ബാണജാലങ്ങളെല്ലാം സൂനങ്ങളായെന്നല്ലാ

വില്ലാൽ താഡിച്ചതുമേറ്റില്ല മോഹം തീർന്നില്ലാ

മുഷ്ടിയുദ്ധമ്പുഷ്ടവാഞ്ഛയും തവ തീർന്നുപോമിദാനീം

ദിർന്ന നീ വരിക വരിക പൊരുവാൻ,

പോരും പോരും വാദങ്ങൾ പോരിന്നായേഹി

ശ്ലോകം:

ചൊല്ലെഴും വിജയനാവനാഴിയതിലില്ലയാഞ്ഞു ശരമപ്പൊഴേ

വില്ലെടുത്തു ചില തല്ലുകൂടി ബത മുല്ലബാണഹരിമൂർദ്ധനി

തല്ലുകൊണ്ടു സുരഗംഗ പാർത്ഥനുടെ വില്ലുമങ്ങഥ പറിച്ചഹോ

അല്ലൽപൂണ്ടു സകലേശ്വരം തമിതി ചൊല്ലിനാൻ സുരവരാത്മജൻ

 

 

ദേവേശ ശങ്കര ഗിരീശ !

കേവലം സേവകനാമടിയന്നു വിധിയേവമോ?

അരികളുടെ അറുതിവരുവാനായ് വന്നു പരമീശനെക്കരുതുമളവിൽ

ഒരു വേടനോടു പൊരിതു തോറ്റുപോയ് തരസൈവ ഞാൻ

പരമാഗ്നിദേവൻ കൃപയാലേ പണ്ടു

പരിചിനൊടു തന്ന വില്ലും പോയി

ഏവം ഭവാനിയരുൾചെയ്തതു മാനിയാതെ

പൂവമ്പുകൊണ്ടു പുരവൈരിയെ മൂടി പാർത്ഥൻ

താവദ് ഗിരീന്ദ്രതനയാ ശബരാംഗനാ സ്മ

ശാപം കരോതി സുരനാഥതനൂജമേവം

 

 

വൃത്രനാശനപുത്ര ഞാൻ ചൊന്നതു-

മത്ര നീ കേൾക്കയില്ലെങ്കിൽ

അത്ര സാമർത്ഥ്യമുള്ള നിൻ തൂണിയിൽ

അസ്ത്രമില്ലാതെപോകട്ടെ

 

മാനവസവ്യസാചി ഞാൻ ചൊന്നതു

മാനിയാതെ തെളിഞ്ഞു നീ

നൂനമെയ്യുന്ന ബാണങ്ങളൊക്കെയും

സൂനമായ്പ്പോക പാണ്ഡവ !

ഞായവും ഞായക്കേടും നീ കാണെന്റെ മെയ്യിലെയ്ത വിജയന്റെ

കായമിന്നു പൊടിച്ചൊഴിച്ചെന്നിയെ കാരിയം ഞാനടങ്ങീടാ.

മായയെന്നറിയാതവനോടിഹ ഞായമോ കലഹിപ്പതും?

പൊയ്യല്ലേ മമ വല്ലഭ, പാർത്ഥനു മെയ്യിൽ നൽ‌വരമേകുക.

വേടനാരീ നീ പോടി മഹാമൂഢേ,

പേടികൂടാതെ പോരിടെ

ചാടിവന്നീടുകിലെയ്തു വശം-

കെടുത്തീടുവൻ പാരം നിന്നുടൽ