മ്ലാനീഭൂതനദീനസൂനുവദനാം വിസ്രസ്തവൃത്രോല്ലസ-

ദ്ധമ്മില്ലാം വിനിമീലിതോല്പലദൃശാം സംഭോഗലക്ഷ്മോജ്ജ്വലാം

വ്യാകീർണ്ണാദ് ഭുതതാരഹാരതരളാമാപാണ്ഡുരാം പാർഷതീം

ശ്യാമാമപ്യവലോക്യ ഹർഷുലമനാഃ പ്രോവാച വാതാത്മജ
 

 

വേഗം പോയിനി നിങ്ങളാഗമവിധിപോലെ

യാഗമാരംഭിച്ചാലും ആഗസ്സണയില്ലേതും

വേദവേദാംഗതന്ത്ര വേദാന്തവിജ്ഞന്മാരേ!

മേദുരമോദം കേൾക്ക! സാദരം ഞാൻ ചൊൽ വതും

ഭൂരിഭുജവിക്രമ ദാരിതവിരോധിയാം

മാരുതസുതനെ ഞാൻ പാരാതങ്ങയച്ചീടാം

ക്രവ്യാദബാധയവ നവ്യാജമകറ്റീടും

ഹവ്യഗവ്യാദി മേലിൽ ദിവ്യരേ! സഫലമാം

ചന്ദ്രകുലകുമുദിനീ പൂർണചന്ദ്രാ! ഭവാനെന്നും

സാന്ദ്രമോദം ജയിച്ചാലും ഇന്ദ്രതുല്യപ്രതാപനായ്

നിർജ്ജിതവിമാഥിയാം നിൻ പ്രാജ്യഗുണം പാർത്തു കണ്ടാൽ

പൂജ്യരിതുപോലില്ലാരും രാജ്യാശ്രമമുനേ! പാരിൽ.

കീർത്തി തവ നാകലോകേ കീർത്തിക്കുന്നു പുരസ്ത്രീകൾ

ചീർത്തമോദം നാഗസ്ത്രീകൾ പേർത്തും നാഗലോകത്തിലും.

അത്തലുണ്ടൊന്നറിയിക്കാൻ പാർത്ഥിവകുലാവതംസ!

ഓർത്തിടുമ്പോൾ ഭയം പാരം കാത്തുകൊൾക ഞങ്ങളെ നീ.  

ധൂർത്തനാകും നിശാചരൻ ഗർത്തവക്ത്രനാമധേയൻ

സത്രം തപസ്സെന്നല്ലഹോ നിത്യകർമ്മവും ബാധിപ്പൂ

ഭസിതലസിതഗാത്രാ വഹ്നിവിദ്യോതനേത്രാ

വിധൂഗളദമൃതാർദ്രാ ധ്യാനയോഗേ വിനിദ്രാഃ

അഥ ഗീരീശ്സദൃക്ഷാഃ കേചിതാപുസ്സദീക്ഷാ

നിശിചരധുതസത്രാസ്താപസാ മിത്രപൗത്രം
 

 

പരഭക്തിപൂർവം പണിയുന്നു ചേവടി

പരഹംസ്യാഗ്ര്യരേ! ഇന്നു ഞാൻ.

പരമാർത്ഥമറിഞ്ഞേവം പരിശോഭിച്ചിടും നിത്യ-

പരിശുദ്ധരുടെ വേഴ്ച പുരുഷാർത്ഥപ്രദമത്രേ.

സുരനദിമുതലായോരരിയ തീർത്ഥജാലങ്ങ-

ളരികിൽ ചെല്ലുവോർക്കുള്ള ദുരിതം മാത്രമേ പോക്കൂ.

പരമകാരുണികരായ് ചരിക്കും തീർത്ഥപാദന്മാർ

സഹജസൂക്തിമയാമൃതവർഷണ

പ്രശമിതാമിതരോഷഹുതാശനഃ

സ്ഫുടമുവാച ച തദാ മരുതസ്സുതോ

ദ്വിജമുഖാന്നിഖിലാന്നഗരൗകസഃ
 

 

പുഷ്ടമോദേന ഭാഷിതം മദീയമിദം

കോട്ടയ്ക്കുള്ളിൽ വാഴ്വോരും പട്ടണവാസികളും

നാട്ടിൻപുറത്തമരും കൂട്ടരും സപദി കേട്ടുകൊൾവിനിഹ

മന്നൻ ധർമ്മജൻ തന്നുടെ കരതലനിഴലിൽ സുഖ-

മിന്നു വാഴുന്ന നിങ്ങടെ

ഉന്നതിയെ വാനോരുമെന്നും പുകഴ്ത്തീടുന്നു-

ണ്ടെന്നതിനാലീവണ്ണം മാന്യധന്യരന്യർ മന്നിൽ നഹി നഹി.

നിരുപമനയനിഷ്ഠനാം ജ്യേഷ്ഠപാദന്റെ

തിരുവരുളാദരിക്ക നാം

വരധർമ്മം നരോപാധിധരിക്കയാൽ ധർമ്മഭൂവെ-

ന്നുരപൊങ്ങുമീ മഹാത്മാവുരചെയ്യില്ലനുചിതം

മഹിതശമാദി കണ്ടഹോ! ശ്രീഭഗവാനും

ബഹുമാനിക്കുന്നീദ്ദിവ്യനെ

അഹിതർ ചെയ്യും ചതികളിവ ബാധിക്കാതവണ്ണം

വിഹിതമാം കർത്തവ്യമിസ്സഹജാതൻ വിധിച്ചീടും

മനുവംശമണിദീപമേ! ശ്രദ്ധിച്ചീടുകീ-

യനുജന്റെ വാക്കിലിന്നുമേ.

ക്ഷമതന്നെ കാര്യസാദ്ധ്യക്ഷമമെന്നു ചൊന്നതൊക്കും

സുമനസ്സുകളിലെന്നാൽ, വിമലരല്ല വൈരികൾ

ക്ഷീരം നൽകിലും സർപ്പം ഘോരവിഷമേകീടും

ചേരുമോ സാമം ദുരാചാരനിരതന്മാരിൽ?