അല്ലയോ മഹാമുനേ അങ്ങയുടെ വരവുകൊണ്ട് എനിയ്ക്ക് ഏറ്റവും സന്തോഷം വളരുന്നു. ദുരിതങ്ങള്‍ നശിക്കാനും സുകൃതങ്ങള്‍ ലഭിക്കാനും സജ്ജന സംഗമം ആണ് ഒരു വഴി. പാപരഹിതനായ നാരദനും തപോധനനായ വസിഷ്ഠനും സനകാദിളായ മറ്റു മുനികളും എന്തേ വന്നു കണ്ടില്ല? ഞങ്ങളുടെയെല്ലാം അച്ഛന്‍ ബ്രഹ്മാവ്‌ തന്നെ യാണ് . പിന്നെ ഇങ്ങിനെ അവജ്ഞ തോന്നാന്‍ എന്താണ് കാര്യം . പരമശിവനോടുള്ള പ്രേമം കൊണ്ട് എന്റെ യാഗത്തില്‍ അവര്‍ക്ക് വരാന്‍ വൈമുഖ്യമുണ്ടെങ്കില്‍ എന്റെ മനസ്സില്‍ ഒരു ചേതവുമില്ല. താമസശീലനായ ശിവന്‍റെ ഭാഗം ഞാന്‍ കൊടുക്കില്ല.