ചൊടി‍ച്ചുനിന്നു പാരം
ചൊടി‍ച്ചുനിന്നു പാരം കുരച്ചീടും കുക്കുരം
കടിച്ചീടുകയില്ലെന്നസംശയം
മടിച്ചീടേണ്ടാ നമ്മെ ജയിച്ചുകൊള്ളാമെന്നു
കൊതിച്ചീടുന്നതെങ്കില്‍ വന്നടുക്ക നീ
അടിച്ചു വിരവൊടു തടിച്ച നിന്റെയുടല്‍
പൊടിച്ചിടുവനെന്നു ധരിക്കണം.
വാടാ വാടാ രംഗമദ്ധ്യേ എന്റെ
പാടവങ്ങള്‍ കാണ്‍ക യുദ്ധേ.
ഉള്ളില്‍ പേടിയുണ്ടെങ്കില്‍ നീയുമോടിടാതെ
കാലില്‍‌പിടിച്ചുവിദ്യപഠിച്ചുകൊള്‍ക രണമതില്‍ .
ഏറ്റവും ഉശിരോടെ കുരയ്ക്കുന്ന നായ കടിക്കുകയില്ല എന്നതില്‍ സംശയമില്ല. എന്നെ ജയിക്കാംഎന്ന്‍ കൊതിക്കുന്നുണ്ടെങ്കില്‍ എന്നോട് അടുക്കുക. നിന്റെ തടിച്ച ഉടല്‍ അടിച്ചുപൊടിക്കും. പടക്കളത്തിലേക്ക് വാ. എന്റെ കഴിവുകള്‍ കണ്ടാലും. ഉള്ളില്‍ പേടിയുണ്ടെങ്കില്‍ പിന്തിരിഞ്ഞ് ഓടാതെ എന്റെ കാലില്‍വീണ് യുദ്ധവിദ്യകള്‍ പഠിച്ചുകൊള്‍ക.
'വാടാ വാടാ രംഗമദ്ധ്യേ എന്റെ
പാടവങ്ങള്‍ കാണ്‍ക യുദ്ധേ.' ഈഭാഗം മുറിയടന്തയിലാണ്