പോക പോക നീ കൌണവ മൂഢ പോരിനായ് വരികിൽ കൊല ചെയവൻ

ഇത്ഥം പറഞ്ഞു ഘനനാദനഥ പ്രഹസ്തൻ
യുദ്ധങ്ങള്‍ ചെയ്തു സഹിയാതെ പുരം ഗമിച്ചു
ഗത്വാ മരുല്‍സുതമുടൻ സച  ജംബുമാലീ
നീലം നികുംഭനുടനേ എതിരിട്ടു ചൊന്നാൻ
 
ജംബുമാലിയെയെതീര്‍ത്തതു ഞാനിഹ വായുനന്ദന പോക വൈകാതെ

രാവണം പിടിച്ചുപരിഖമതില്‍മറിച്ചുചൂഡ
ഞാന്‍ പറിച്ച നേരമെങ്ങുപോയി മൂഢനായ നീ
കൊല്ലുവാനുരച്ചനിന്നെ ഇന്നു കൊല്ലുവന്‍ ജവേന
അല്ലയായ്കിലോടിപ്പോക കൌണപാധമ!

ആരെടാ സുഗ്രീവനെന്നമൂഢവാനരാളി നീചൻ  
പോരിനെന്റെ നേര്‍ക്കു വരികിൽ  നിഹതനാക്കുവൻ

ദണ്ഡിനാലടിച്ചതെന്നെയിന്നുനീ മരിപ്പതിന്നു
ദണ്ഡപാണി കൈയ്യിലായി ദണ്ഡപാണിനീ

ഇന്ദ്രജിത്തു ഞാനെന്നടറിഞ്ഞീടേണമംഗദാ നീ
നന്ദനൻ ദശാസ്യനായ രാവണൻ തന്റെ
എന്നോടിന്നെതിര്‍പ്പതിന്നു നീ കിശോരനത്രയല്ല
പിന്നെ മര്‍ക്കടം കരുത്തോടാളല്ലേതുമേ
കാനനങ്ങൾ പലതുമുണ്ടു നല്ലപക്വജാലമുണ്ടു
നൂനമങ്ങു പോയി നീ വസിക്ക നല്ലത്
അല്ലായ്കിലെന്റെ കൈയ്യിൽ മേവിടുന്ന ഭല്ലമാശു
നല്ല നിന്റെ കണ്ഠചോരയിൽ കുളിച്ചിടും
നിന്റെ താത താതനാകുമിന്ദ്രനെ പിടിച്ചുകെട്ടി
താത പാദ കാഴചയാക്കി വച്ചുവല്ലോ ഞാൻ

ഏവന്തിമിര്‍ത്തു കപിരാക്ഷസ ജാലമപ്പോൾ
യുദ്ധം ഭയാനകതരനൂചകാര വേഗാല്‍  
താവല്‍ പുരന്ദരജയീദൃഢമംഗദന്തം
പോരിന്നെതിര്‍ത്തു രവിസൂനുമഥ പ്രഹസ്തൻ

തദനു രഘുകുലേശന്‍ വാനരൈര്‍ദ്ദേവതുല്യൈഃ
പുരമതിലധിരൂഢശ്ചണ്ഡകോദണ്ഡപാണിഃ
തദനു ദശമുഖന്‍ കേട്ടേകിനാൻ കൗണപാംസ്താൻ
ദിശിദിശി പട പോവാന്‍ തേ യയുത്സല്‍ക്ഷണേന