അമരാവതിയിൽ വന്ന ധരണീപതിമാരുടെ                
ചിത്രപടങ്ങൾക്കാധാരം 

പോരൂ നാമീ ചിത്രശാലയിൽ
വാഴാം ശീത നിശീഥിനിയിൽ

സ്ഫാടിക സൗധം ദൂരെക്കാണുവ

തെന്തിന്നാസ്ഥാനം.

നാട്യ ഗൃഹമോ ദ്യൂതാലയമോ വിശ്രമ മന്ദിരമോ

പാടല നഖം രചിച്ച കാമലേഖനങ്ങളും കÿ

ടാക്ഷഭൃംഗ ഭ്രൂലതാ പ്രലോഭനങ്ങളും

ഏറ്റു ബോധമറ്റു പണ്ഡു പുത്രനിന്നു ചൊല്ലുമുി  

കേട്ടിടാമൊളിച്ചു വാണു കുഞ്ജവാടിയിൽ സഖി കുഞ്ജവാടിയിൽ

ഏവമോതിടായ്ക സർവ്വ ശാസ്ത്ര സൽക്കലാ സമർത്ഥൻ

പാർത്ഥനെ ലഭിക്കയാൽ സുകൃതിയായിവൾ എത്ര സുകൃതിയായിവൾ

ക്ഷാത്ര വീരനർജ്ജുനന്റെ ഭാഗധേയമിന്നു നാക

യോഷവര്യയെ ലഭിച്ചതിന്നു കാരണം

പുഞ്ചിരിച്ച കുമുദങ്ങളിൽ ഭ്രമരജാലമെത്തിയൊരു വേളയിൽ

പന്തലിച്ച മുകിൽ മെത്തയിൽ കുമുദ ബന്ധുചാഞ്ഞഥ മയങ്ങവേ

പൂത്ത കൽപ്പക വനങ്ങളിൽ വിജയനൊത്തു നാകതരുണീമണി,

സല്ലപിച്ചു നട,കൊണ്ടവാറു സുരയോഷമാർ ഫലിതമോതിനാർ

വജ്രായുധനെ ജയിച്ച നരേന്ദ്രനെ 

മതിശേഖരനോടമർ ചെ്‌യ്ത ധീരനെ

വിശ്രുത ഗാണ്ഡീവധാരിയെ മമ മാനസ

ചോരനെ കാണുവാനാഗത ഞാൻ

ഞാതഴമ്പാർന്ന നിൻ ദീർഘ ബാഹുക്കളിൽ 

അർപ്പിച്ചീടുന്നിതാ ഞാനെന്നെയും

 

ഗാണ്ഡീവ ഞാണിൽ ശരങ്ങൾ തൊടുത്തു നിൻ 

ആഹവ വിക്രമ വിസ്മയം കണ്ടു ഞാൻ

വൈരീ ശരനിവഹങ്ങൾ പ്രസൂനമായ് 

നിൻ മെയ്യിലണിയുന്ന കണ്ടു ഞാനും

നീ ചെയ്ത രണതാണ്ഡവങ്ങൾ കണ്ടു 

കണ്ടീല എങ്കിലോ നിന്നെമാത്രം

പൊന്നിൻ കവചമഴീഞ്ഞവിരിമാറിൽ 

പനിമതി നന്ദനവാടിയിലോരു പാൽക്കടൽ തീർത്തൂ മധുരം

കുളുർമാരുത മൃദു ഗാനതരംഗം തരളിതമായോഴുകി

മണിനൂപുര കളശിഞ്ജിത താളമുതിർത്തു നിശീഥിനിയിൽ

വിജനേ വിജയ സമീപേ യുർവശി വന്നെത്തീ വിവശം.
 

ഗൗരീവല്ലഭനോടു ദിവ്യ വിശിഖം കൈക്കൊണ്ട കുന്തീസുതൻ

ശൗരീ സോദരനോടു ഘോരസമരം തന്നിൽ ജയിച്ചർജ്ജുനൻ

വിണ്ണിൽ ദൈത്യരെ നിഗ്രഹിച്ചു തരണീവൃന്ദത്തെ രക്ഷിച്ചവൻ 

ഏകാന്തത്തിലിരുന്നു നന്ദനമതിൽ മാരാതിരേകാകുലൻ