പോരും പോരും ദുർവാക്യങ്ങൾ ഭീരുവല്ലോ നീ മമ

ഭാര്യയെ വിടുമോ ഏഷാ ഭീഷണി കൂടാ
 

കേസരിക്കു ജംബുകത്തെ ഭീതിയുണ്ടാമോ- തവ

കൂട്ടമോടെ വന്നാലെന്തു കോട്ടം കേട്ടാലും

ശൗരിസോദരി കാൺക സംഗരചതുരതാ

മംഗലകളേബരേ! വഴിപോലെ
 

തുംഗമാം വിശിഖങ്ങൾ കൊണ്ടു ഞാൻ പരന്മാരെ

അംഗങ്ങൾ മുറിയാതെ മടക്കീടുന്നതു കാൺക
 

എന്നാൽ നീ തെളിച്ചാലും കളവാണി ശതാംഗത്തെ

കളഭഗാമിനിയാളേ മൃദുശീലേ

പോരും പോരും വചനം ജളന്മാരേ!

പോരിനാളെങ്കിൽ നേരെ വന്നീടുവിൻ

നിർണ്ണയം നമുക്കൊന്നുണ്ടു മാനസെ

നിങ്ങടെ മൃതികാലമടുത്തു

ഹന്ത ഹന്ത ബധിരന്മാരെ മമ

വീര്യവാക്യങ്ങൾ കേട്ടീലയോ നിങ്ങൾ

നില്ലുനില്ലെടാ നില്ലായ്കിൽ കൊല്ലുവൻ

കൊല്ലുവാൻ മടിയില്ലാത്തവീരൻ ഞാൻ

ഇന്ദിരാരമണമന്ദിരേ സസുഖ മിന്ദുബിംബമുഖിയാളുമായ്

ഭംഗിപൂണ്ടു (നന്ദിപൂണ്ടു എന്ന് പാഠഭേദം) മരുവുന്നകാല മമരേന്ദ്രസൂനു സുരസുന്ദരൻ

ഉത്സവാവധി നിനയ്ക്കയാൽ സപദി ഗന്തുകാമനവ നാദരാൽ

തേരിലേറി മറിമാന്വിലോചന തെളിക്കുമപ്പൊഴുതു ചൊല്ലിനാൻ
 

കഞ്ജദളലോചനേ! മഞ്ജുതരഭാഷിണി!

കുഞ്ജരസമാന ഗമനേ!
 

അഞ്ജസാ എന്നുടൽ കഞ്ജവിശിഖൻ പ്രിയേ!

ഭഞ്ജനം ചെയ്യുന്നു കാൺക് മൃദുശീലേ!
 

കുന്തളഭരേണ നിൻ കാന്തം മുഖാംബുജം

ഹന്ത മറയ്ക്കുന്നതെന്തേ?
 

കാന്തേ പദാംബുജം നോക്കിനിൽക്കുന്നിതോ?

കഷ്ടം! ഞാൻ കപടം കൊണ്ടു യതിയായ് ചമഞ്ഞതും

ഒട്ടല്ല ഇതിൻ പാതകം പെട്ടെന്നു ഭവാനെന്റെ
 

അടിയിൽ വീണതുമോർത്താൽ ഞെട്ടുന്നു കളിയല്ല

ജളത മമ സകലമിതു മാധവ!
 

പങ്കജവിലോചന നിൻ കൃപയുളവായാൽ

സങ്കടലവമുണ്ടാമോ പങ്കനാശന ദേവ!
 

പങ്കജഭവവന്ദ്യ കിങ്കരനഹം നിന്റെ

അമരമുനികര പരിസേവിത!

കേട്ടാലും വചനം വിഭോ കേശവ ശൗരേ!

താത! വന്ദേഹം നിൻ പാദാംബുജം

പാകശാസന പാവനമൂർത്തേ!
 

താത! നിൻ വാചാ പോകുന്നേനിപ്പോൾ

സ്നാനത്തിനായി സ്നേഹംബുരാശേ!