പോരും പോരും ദുർവാക്യങ്ങൾ ഭീരുവല്ലോ നീ മമ

ഭാര്യയെ വിടുമോ ഏഷാ ഭീഷണി കൂടാ
 

കേസരിക്കു ജംബുകത്തെ ഭീതിയുണ്ടാമോ- തവ

കൂട്ടമോടെ വന്നാലെന്തു കോട്ടം കേട്ടാലും

പോരും പോരും വചനം ജളന്മാരേ!

പോരിനാളെങ്കിൽ നേരെ വന്നീടുവിൻ

ഞങ്ങടെ മൃതിയല്ല പരം മൂഢ!

നിന്നുടെ കുലമാകെ നശിക്കും

നിർണ്ണയം നമുക്കൊന്നുണ്ടു മാനസെ

നിങ്ങടെ മൃതികാലമടുത്തു

പണ്ടു രാവണൻ സീതയെക്കട്ടതു

കേട്ടിട്ടുണ്ടു ഭവാനെന്നു നിർണ്ണയം

അന്ധകേശന്മാരാരുമില്ലാത്തപ്പോൾ

ബന്ധുരാംഗിയെക്കട്ട ജളാത്മൻ

ഹന്ത ഹന്ത ബധിരന്മാരെ മമ

വീര്യവാക്യങ്ങൾ കേട്ടീലയോ നിങ്ങൾ

വീരനെങ്കിലോ ചോരണംചെയ്തതിൻ

കാരണം കിമു ഹന്ത ദുരാത്മൻ

നില്ലുനില്ലെടാ നില്ലായ്കിൽ കൊല്ലുവൻ

കൊല്ലുവാൻ മടിയില്ലാത്തവീരൻ ഞാൻ

ഇത്ഥം ഘോരതരം നിശമ്യ വചനം ദ്വാരസ്ഥിതാസ്തേ ഭടാ

ബദ്ധാടോപമണഞ്ഞു ഹന്ത! നിഭൃതം ഗൃഹ്ണീതബദ്ധ്നീത ഭോ!

എന്നീവണ്ണമുരച്ചു വില്ലുമുടനേ കുത്തിക്കുലച്ചാകവേ

വാചാലാശ്ചപലാസ്സുരേന്ദ്രതനയം വാചന്തമൂചുസ്തദാ