രണ്ടാമന്‍:
യുദ്ധം വരുത്തും വിനകള്‍ക്കതിരുണ്ടോ?
ചിത്തം കലങ്ങി വസിപ്പൂ യമാത്മജന്‍.
മിത്രാത്മജന്‍ കര്‍ണ്ണനാരെന്നറിഞ്ഞതും
മിത്രാത്മജാത്മജഹൃത്തം തകര്‍ക്കുന്നു.
ബന്ധുക്കളെക്കൊന്നു കൈവന്ന ഭോഗങ്ങള്‍
ചിന്തിക്കിലാര്‍ക്കെന്തു സൗഖ്യം കൊടുത്തിടും.?
യാഗാശ്വരക്ഷയ്ക്കു പാര്‍ത്ഥന്‍ ഗമിയ്ക്കുന്നു
വേഗാലണഞ്ഞവനേകാമനുഗ്രഹം.

ഒന്നാമന്‍:
ബന്ധമില്ലാതെന്തു ചൊല്ലുന്നു കേവലം !
യുദ്ധം ജയിച്ചവര്‍ക്കെന്തഹോ! വ്യാകുലം?
 

രണ്ടാമന്‍:
ആകുലമെല്ലാമൊഴിഞ്ഞീടുവാന്‍ മഖം
ലോകൈക വന്ദ്യ മഹാമുനി കല്പിതം
 

രണ്ടാമന്‍:
യാഗം നടക്കുന്ന വാര്‍ത്തയറിഞ്ഞിടാന്‍
യോഗം തനിക്കു ലഭിച്ചതില്ലേ വിപ്രാ
വേഗം ഗമിക്കുക ഭൂമീ സുരന്മാര്‍ക്കു
നാകം നരപാല ഗേഹം ധരിക്കടോ

അന്തിയല്ലിനന്‍ - അസ്തമിപ്പതിനിന്നു നാഴിക നാലിനി
അന്ധകാരമിതോര്‍ക്ക, നിന്നുടെ മൃത്യുവിന്‍
നിഴലാണെടാ.
നില്ലുനില്ലട! സൂകരധ്വജ! ഗൂഢ തന്ത്ര വിചക്ഷണ!
കൊല്ലുമിക്ഷണമാശുപാശുപതാസ്ത്രമെയ്തു നൃപാധമ!

കുന്തിതനയ! നിന്റെ ശപഥം ചിത്രമോര്‍ക്കിലെത്രയും
അന്തിയായിതല്ലോ, കൃഷ്ണന്‍ ഗോപീഗേഹം പൂകിയോ?
ഭഗ്നമായി താവക സത്യമിന്നു ഫല്‍ഗുന!
അഗ്നിയിങ്കല്‍ ചാടിവേഗമാത്മാഹൂതി ചെയ്യുക!.
 

പാര്‍ത്ഥാ, നിനക്കിണ്ടലേതുമേ വേണ്ടെടോ!
വ്യര്‍ത്ഥം ഭവിച്ചിടാ നിന്‍െറ സത്യം, സഖേ
മാര്‍ത്താണ്ഢ ബിംബം മറച്ചുഞാനര്‍ജ്ജുനാ!
അന്ധാന്ധകാരം ചമച്ചിടാ മഞ്ജസാ
അന്തിയെന്നോര്‍ത്തുടന്‍, അന്തികെ വന്നീടും
സൈന്ധവന്‍, തന്നെ വധിക്ക നീ, സാമ്പ്രതം.
മൂര്‍ദ്ധാവു ഭൂമിയില്‍ വീഴെ്ത്താലാ, തത്ക്ഷണം
വൃദ്ധനാം തല്‍താത പാണിയില്‍ ചേര്‍ക്കണം
 

ശ്ലോകം
പാര്‍ത്ഥപ്രതിജ്ഞയതു കേട്ടഥ സിന്ധുഭൂപന്‍
യുദ്ധാങ്കണത്തിലതി ഭീതി കലര്‍ന്നൊളിയേ്ക്ക
യുദ്ധം തുടര്‍ന്നു; പകല്‍ നാഴിക നാലുനില്‍ക്കേ
ഇത്ഥം കഥിച്ചു കപികേതനനുഗ്രകോപാല്‍.

പദം
(ദുര്യോധനനോട്)
നാഗകേതന! കപടനാടകമടരിലെന്തിനു ദുര്‍മ്മതേ!
വേഗമിങ്ങയി വിട്ടയയ്ക്കുക, പോരിനായ്, ത്തവ സ്യാലനെ.
(സൈന്ധവനോട്)
പോര്‍ക്കളത്തിലൊളിക്കയോ ജള!, പോരിനെത്തുക സൈന്ധവാ!
നേര്‍ക്കുനേരേയെതിര്‍ത്തു സമ്പ്രതി, കാട്ടുനിന്നുടെ വൈഭവം,

സാഹസമെന്നു നീ ചൊന്നു സഹാസമോ?
സാദ്ധ്യമല്ലാതെന്തു പാര്‍ത്ഥനു പാരിതില്‍?

(മുറിയടന്ത)
ഹന്ത! മദാന്ധനാം സൈന്ധവ സിന്ധുരം
എന്തീ ഹരിയോടു പോരിനു പോരുമോ?
 

(മുറിയടന്ത)
വഞ്ചതി ചെയ്ത ജയദ്രഥന്‍ തന്നോടീ-
യര്‍ജ്ജുനന്‍ നൂനം പ്രതികാരം ചെയ്തീടും
(ചമ്പട)
നാളെ സവിതാവസ്തമയാദ്രിയിലെത്തീടും മുമ്പേ
നിധനം ചെയ്തിടുമവനെ, ഞാനിഹ ശപഥം ചെയ്യുന്നു.
(മുറിയടന്ത)
സിന്ധുക്ഷിതീശനെ നാളെ വധിയ്ക്കായ്കില്‍
വഹ്നിയില്‍ ഗാണ്ഡീവ ധന്വാവു ചാടിടും.