ദക്ഷിണാംഗുഷ്ഠമാകുന്നെനിക്കൊ

പക്ഷിവര്യാ പറഞ്ഞീടവേണം

നില്ക്ക നില്ക്ക വിഹം‌ഗമവീര

മര്‍മ്മമേകിയടല്‍ പൊരുതേണം

മൽ കുഠാരം മുറിച്ചോരു നിൻതല

ശക്തികൊണ്ടിഹ കുത്തിഞെരിപ്പൻ

നല്ല ശൂലം മുറിച്ചോരു നിന്നെ

കൊല്ലുന്നുണ്ടു കുഠാരത്തിനാലെ

വില്ലു കൊത്തിമുറിച്ചോരു നിന്നെ

കൊല്ലുവേനിന്നു ശൂലത്തിനാലെ

ഗർവ്വമോടേവം ചൊല്ലുന്ന നിന്റെ 

മാറിൽ ബാണത്തെ താഡിക്കുന്നുണ്ടു

പക്ഷിയാം നിന്നെക്കൊല്ലുവതിനായി

പക്ഷങ്ങൾ മുറിച്ചീടുവൻ വീര

അഷ്ടദിക്ക്പ്പാലരെപ്പോരിൽ ഞെട്ടുമാറാക്കുമെന്നോടു

ചട്ടേറെ വന്നമർചെയ്‌വാൻ കഷ്ടം ആളോ നീ

എറിയുന്നുണ്ടു നിന്നുടെ ചിറകു രണ്ടും മുറിച്ചു-

യേറെ വന്നെന്നോടടൽ ചെയ്‌വാൻ പക്ഷിനീയാളോ

ചത്തശവങ്ങളെത്തിന്നു ധാത്രിയില്‍ മേവാതെ വന്നു

ഇത്ഥമെന്നോടുരപ്പതു നല്ലതല്ലല്ലൊ