ആകര്‍ണ്യൈവം പിതൃണാംപതിരഥഃ തരസാ ചിത്രഗുപ്താദിഭിസ്തൈ-

സ്സാകം സമ്മോഹനം സാദരമഗമദഥോ സത്യലോകം വിശോകം

ആസീനം തത്ര പീഠേ കമലജമപി രത്നോജ്വലായാം സഭായാം

നത്വാ ഭക്ത്യാ പദാംഭോരുഹയുഗനികടേ സാജ്ഞലിര്‍വാചമൂചേ
 

ധര്‍മ്മരാജ വിഭോ! വന്ദേ നിന്‍ പാദാംബുജേ

സമ്മതമാര്‍ന്നെന്‍റെ വാക്കു നന്മയില്‍ കേട്ടരുളേണം
 

യുദ്ധസന്നദ്ധരായി നാം മർത്ത്യലോകം തന്നില്‍ ചെന്നാല്‍

ദൈത്യവൈരിദൂതന്മാരെ ധാത്രിയില്‍ കണ്ടെത്തീടുമോ?
 

കുണ്ഠഭാവം പൂണ്ടുനിന്നു ഇന്നു കാലം കളയാതെ

ചെന്നതു നാം സത്യലോകേ അരവിന്ദഭവാനോടു ചൊല്ക

കിങ്കരന്മാരേ നിങ്ങളേ സംഗരേ വെന്നഹോ വിഷ്ണു-

കിങ്കരന്മാര്‍ ചണ്ഡാളനെയും ഭംഗമെന്നിയെ

അങ്ങു കൊണ്ടുപോയതത്ഭുതം!
 

കുണ്ഠരായ നിങ്ങളെകൊണ്ടെന്താഹോ സാദ്ധ്യമിപ്പോള്‍?

കണ്ടു കൊള്‍ക ഞാനവരെയും  ചണ്ഡാളനെയും
 

കൊണ്ടുപോരുന്നുണ്ടു നിര്‍ണ്ണയം

ഉല്‍പലസംഭവന്‍ പണ്ട് കല്പിച്ച മല്‍പ്രവൃത്തിയെ
 

കെല്പോടെ വിരോധിച്ചീടുവാനി-

പ്രപഞ്ചത്തിലിപ്പോളാരെന്നറിഞ്ഞീടേണം
 

ചിത്രഗുപ്ത! വന്നാലും നീ മൃത്യുകാലാദികളോടും

ഭാനുനന്ദന നാഥ! ജയ ജയ മാനനീയ ഗുണാംബുധേ!

ദീനഭാവമകന്നു ചെന്നു ജവേന ഞങ്ങള്‍ ധരാതലേ
 

വന്നു മാധവ ദൂതരതിശയ നിന്ദ്യനാകിയ നീചനെ

അങ്ങുകൊണ്ടു ഗമിക്കുമളവിലണഞ്ഞു ഞങ്ങള്‍ രണാങ്കണേ
 

സംഗരേ ബത വെന്നു വിരവോടു ഞങ്ങളെയവരഞ്ജസാ

ഭംഗമെന്നിയെ   കൊണ്ട് പോയിതു മംഗലാത്മക! നീചനെ
 

ശക്തികൊണ്ടവരെജ്ജയിപ്പതിനത്ര മൂന്നു ജഗത്തിലും

ശക്തരായവരില്ല വയമിഹ ചെയ്‌വതെന്തു? വിചിന്ത്യതാം

ചില്‍പുരുഷന്‍ പ്രസാദത്താലല്പമായ കൃമി പോലും

സ്വപ്രഭാവം കലര്‍ന്നു ദേവ പ്രഭുത്വം വന്നു കൂടും

എത്രയെന്നാകിലും നീചചരിത്രം പുണ്യം ഭവിക്കുമോ?

ഗര്‍ദ്ദഭം പോന്നണിഞ്ഞാലുമുത്തമ വാഹനമാകുമോ?

ശ്രുത്വൈവം മുനിഭാഷിതം നിജ‌ജനാന്നാന്യാനുകമ്പാംസ്തദാ

ദൂതന്‍ തത്ര നിയുക്തവാന്‍ പിതൃപതിര്‍ഗത്വാ ച തേ ഭൂതലേ

സജ്ജാനത്ര മുകുന്ദശാസനകരാന്നേതും സുനീചം നരം

ശ്രീശോപാന്തമുപേത്യ കിങ്കരവരാനൂചുശ്ച വാചം രുഷാ
 

ഓഷധീശാനന കേള്‍ക്ക, ഭാഷിതം മേ സൂര്യസൂനോ!

ദൂഷണമല്പവും ഭൂമൌ വിശേഷാലില്ലെന്നല്ല, ചൊല്ലാം
 

രുഗ്മാംഗദ നിയോഗത്താല്‍ തിഗ്മമേകാദശീ നോറ്റൂ

ശര്‍മ്മമോടെ മനുജന്മാര്‍ ശ്രീവൈകുണ്ഠം പ്രാപിക്കുന്നു
 

ബ്രാഹ്മണാദി ചണ്ഡാലാന്തം ചെമ്മെ സര്‍വ്വമനുജന്മാ-

രിമ്മഹാവ്രതാനുഷ്ഠാനം നന്മയോടെ ചെയ്തീടുന്നു
 

ഇച്ഛയോടെ ദശമിനാളുച്ചൈര്‍ഭേരിയടിപ്പിച്ചു

രാജ്യമെല്ലാം ബോധിപ്പിക്കും വിശ്രുതൈകാദശിയെ ഭൂപന്‍
 

ഇങ്ങിനെ ചെയ്തീടുന്നൊരു തുംഗമായ വ്രതത്തിന്‍റെ

സാരസഭവാത്മജ! നാരദമഹാമുനേ!

ചാരുത കലര്‍ന്ന പദതാരിണ തൊഴുന്നേന്‍
 

ഏതൊരു ദിഗന്തരാച്ചേതസി മുദാ സുകൃത-

പാകവിഹിതാഗമന ഭാസുരതപോനിധേ!
 

പാര്‍ത്തലത്തിലെന്തൊരു വാര്‍ത്ത വിശേഷിച്ചിഹ

പാര്‍ത്ഥിവവരകൃത യുദ്ധമെങ്ങുമില്ലയോ?
 

മർത്ത്യന്മാരൊരുത്തരുമിങ്ങു വരുന്നില്ലഹോ

സ്വസ്ഥനായ് വാഴുന്നു ഞാനത്ര വിഗതോദ്യമം
 

എന്തിതിനു സാരമൊരു ബന്ധം വിശേഷിച്ചിഹ

ചിന്തിച്ചരുളീടേണമമന്ദമഹിമാംബുധേ!

ധീരോനൃപോഥ സുരനാരീജനാഭ്യസിത

സാരം വ്രതം ബത തുടങ്ങീ

മോദമതു തിങ്ങി ചേതസി വിളങ്ങി

സകലജനപൌരജനദാരജന വിതതിയും-

ശ്രീനാഥതിഥി സേവനമാകാര്‍ഷീല്‍

 

പുണ്യദ്വിജാതിമുതല്‍ ചണ്ഡാളജാതിയൊള-

മെണ്ണാത്ത ഭൂരിനരജാലം

സഹിതശിശുജാലം സകലമതുകാലം

മുറ്റുമൊരു ഹരിചരണഭക്തിയൊടുതിഥിയിലിഹ-

നോറ്റു നൃപപുംഗവ നിയോഗാല്‍

 

ഏകാദശീവൃത സുമാഹ്യാത്മതോ മഹിത

വൈകുണ്ഠമാപ ജനവൃന്ദം

സുരനതമമന്ദം രഹിതഭവബന്ധം

തത്ര സമയേ ദ്രുഹിണപുത്ര മുനിയൊരു ദിവസം