മത്സരഹീന! മഹാഗുണവതേ!

മത്സോദരാ! തവ മംഗളമസ്തു

 

വത്സ! നിനക്കാൽ ത്വത്സമനൊരുവൻ

നിസ്സന്ദേഹം നഹി നഹി ലോകേ

ഇത്ഥം മുനീന്ദ്രവചനാൽ സഹജാദിവൃത്തം

വിജ്ഞായമോദഭരിതോ ഭരതായ പൂർവ്വം

ഉക്തം സ്വകീയവചനം പുനരാത്മചിത്തേ

സ്മൃത്വാ സമീകരണസുതം നിജഗാദ രാമഃ
 

 

എന്നാൽ പോവതിന്നിപ്പോൾ തന്നാലും അനുവാദം

വന്ദ്യനാം മഹാമുനേ! വന്ദേഹം ഭവൽപാദം

ജനക ദുഹിതൃവാക്യം കേട്ടു തുഷ്ട്യാ കപീതാം

വനിതകൾ വരരോടു കേറി വേഗം വിമാനം

പുനരരിയ ഭരദ്വാജാശ്രമം പുക്കു ശീഘ്രം

മുനിവരമഥ നത്വാ രാമനിത്ഥം ബഭാഷേ
 

 

ചേദിഷ്മാപാല മുഖോൽക്കട ധരണിഭരം തീർത്തിടാൻ മർത്ത്യ മൂർത്ത്യാ

മേദിന്യാം ജാതനാം ഞാനിന്നിനിയൊരുസമയേ കൃഷ്ണനായ് വൃഷ്ണിവംശേ

മോദിച്ചന്നെൻ സ്വസാവായ് വരുമറിക സുഭദ്രാഖ്യായാ ശ്ലാഘ്യയാം നീ

ഖേദീച്ചീടേണ്ട ചെറ്റും കളമൊഴി സരമേ! സൗഖ്യമായ് പാർക്ക ഭക്ത്യാ

ചാഞ്ചല്യം വേണ്ടാ തെല്ലുമേ ത്വൽ സഖിയുടെ

വാഞ്ച്ഛിതം അഹം ഏകീടാം

 

ചഞ്ചലവിലോചനേ! കിഞ്ചന മടിയില്ല

നെഞ്ചിലുള്ളാശയവൾ അഞ്ചാതെ ചൊല്ലിടട്ടെ

 

പ്രാണവല്ലഭേ! മൽഗിരം കേട്ടാലും ശര-

ദേണാങ്കാനനേ! സത്വരം

മിത്രാത്മജ! മമ മിത്ര വിഭീഷണ!

ചിത്രമിദം വചനം

 

അത്രകുതൂഹലമിതിലധികം മമ

ചിത്തേ വരുവതിനില്ല നിനച്ചാൽ

 

ഹിതമിതുതന്നെ നമുക്കിഹ നിങ്ങടെ

മതമറിയാഞ്ഞു മറിച്ചു കഥിച്ചേൻ

 

പരാതിഹ കപിവീര വിമാനമി-

താരോഹയ പരിവാരസമേതം

 

വീര! വിഭീഷണ! വൈരിവിഭീഷണ!

വിരവൊടു കേറുക ദിവ്യവിമാനം

 

ലക്ഷ്മണനോടും സീതയോടും സഹ-

തൽ ക്ഷണമിഹ ഞാനും കരയേറാം

സൽഗുണാംബുധേ! തവ സൽക്കാരമൊക്കെയിപ്പോൾ

ഉൾക്കൊണ്ടമോദമോടും കൈക്കിണ്ടിരിക്കുന്നു ഞാൻ

 

തെല്ലുമേ താമസിക്കാവല്ല മേ മൽപുരിയിൽ

ചെല്ലേണമിന്നുതന്നെ കില്ലതിനില്ല സഖേ!

 

നക്തഞ്ചരേന്ദ്ര! മമ ഭക്തനായീടും ഭവാൻ

സൗഖ്യമോടിഹ രക്ഷോ മുഖ്യനായി വാഴ്ക ചിരം

 

ഉഗ്രവിക്രമന്മാരാം സുഗ്രീവാദ്യരുമിനി

ചിക്കെന്നു നിജപുരി പുക്കു വാഴട്ടേ സുഖം

ഉൽപ്പലേക്ഷണേ തവ സ്വൽപ്പവും വേണ്ടാ താപം

മൽപ്പുരി നമുക്കിന്നു കെൽപ്പോടു പൂകാമല്ലൊ

 

മൽപ്രാണനാഥേ! കേട്ടാലും മാമകവാചം

മൽപ്രാണനാഥേ! കേട്ടാലും

 

ഞാനയച്ചോരു വായുസൂനുതൻ വാക്യാലിപ്പോൾ

നൂനം വിഭീഷണൻ വിമാനം കൊണ്ടുവന്നീടും

 

പുഷ്പകവിമാനവുമുണ്ടിപ്പുരി തന്നിലതിൽ

കെൽപ്പോടു കെറി നമുക്കിപ്പോൾ ഗമിക്കാമല്ലൊ

കേൾക്ക ലക്ഷ്മണ! സോദര! മാമകവാചം

കേൾക്ക ലക്ഷ്മണ! സോദര!

 

ഊക്കേറും ഭവാനേവം വായ്ക്കുവാനെന്തേ കോപം?

യോഗ്യമല്ലേവമുള്ള വാക്യങ്ങൾ നിനക്കേതും

 

സാരോപദേശം നിനക്കോരോരോവിധം മുന്നം

നേരേ ഞാൻ ചെയ്തതെല്ലാം തീരേ മറന്നിതോ നീ?

 

ധാതാവിൻ ഹിതമിഹ ജാതമായതു സർവ്വം

മാതാവിങ്ങപരാധമേതാനും ചെയ്തോപാർത്താൽ?

 

താപമെന്തിനു പാഴിൽ നീ പരമാർത്ഥമോർക്ക

പാപമൂലമാകുമീ കോപമടക്കി വാഴ്ക