ചാപം മുറിഞ്ഞു രണഭൂമിയിൽ വീണശേഷം

ഭൂപൻ തദാ കലശസംഭവദത്തമാകും

ചാപം കുലച്ചു കൃതവാനതിവീരവാദം

കോപാരുണാക്ഷനുടനേ രഘുവീരനൂചേ

ചെയ്യാമോ പുരുഷരൊടു നാരികൾ ബലാത്കാരം?

പൊയ്യായേവം ചെയ്തതിനാൽ ഹീനാംഗിയാവളും

അറിവൻ കേട്ടിട്ടു നിന്റെ ചരിതങ്ങളൊക്കെയും

അരിയവീരാ, നിന്നോടു പോരിനഹമാളല്ലേ

അറിയുമല്ലൊ ശൂർപ്പണഖി ചൊല്ലിക്കേട്ടിവ ഞാൻ

ഏറെയും ദൂഷണനും ത്രിശിരസ്സും ചൊല്ലിക്കേട്ടു

മൂഢനഹം കേട്ടുട്ടുണ്ടു പ്രൗഢൻ ഖരനെന്നതും

പാടവമേറും ദൂഷണത്രിശിരസ്സുകളുടെ

കൊടിയ വിക്രമനാം നീയഗ്രജനെന്നുള്ളതും

കങ്കങ്ങൾ തന്നെ ചവുട്ടിയുരുട്ടീടാം മോദമോടു ഭുജിച്ചീടും

തുംഗബാണമയയ്ക്കുന്നേനഹമങ്ങു നിൻതല കൊയ്തിടും

കണ്ടിടാമതു ഭൂമിയിൽ ത്രിശിരസ്സു ചത്തു മറിഞ്ഞപോൽ

ഇണ്ടലോടു നികൃത്തകണ്ഠനായ് വീണിടും ഭുവി നീയെടാ

വാണിരിപ്പതിനൊട്ടുമേ തവ മോഹമില്ലതിനാലല്ലൊ

നാണമെന്നിയെൻമുന്നമേ വന്നു പോരിനായി വിളിച്ചുനീ

ആഹവത്തിലിന്നെന്നെ ഹനിപ്പതിനായല്ലോയിങ്ങു വന്നു നീ

ആകട്ടെ എങ്കിലതവ്വണ്ണം തന്നെ നേരിനൊത്തതു കാണലാം

നിന്നോടിന്നമർ ചെയ്തതിന്നഹമാളല്ലെന്നിതുറപ്പല്ലൊ

പിന്നെയെന്തിനു യുദ്ധം ചെയ്‌വതിനായ് വിളിപ്പതു ചേരുമോ?

മന്നിലിന്നു തരക്ഷുവോടു രണത്തിനേണം പോരുമോ?

നന്നുനന്നേവം ചൊല്ലി യുദ്ധത്തിനെന്നെ നീ വിളിക്കുന്നതും

പെരിക നന്നു നിനയ്ക്കിലോ?