തിരുവിതാംകൂറിലെങ്ങും രംഗപ്രസിദ്ധി നേടിയ സ്ത്രീ വേഷക്കാരൻ ആയിരുന്ന ചെങ്ങന്നൂർ നാണുപിള്ള, ചെങ്ങന്നൂർ കിഴക്കേ മഠത്തിൽ 1873ൽ ജനിച്ചു. ആശാരി കേശവപ്പണിക്കർ, ഭീമൻ കേശവപ്പണിക്കർ എന്നൊക്കെ അറിയപ്പെട്ടിരുന്ന തകഴി കേശവപ്പണിക്കരായിരുന്നു മുഖ്യ ഗുരു.

പൊയിലത്ത് ശേഖരവാരിയർ കപ്ലിങ്ങാടൻ സമ്പ്രദായത്തിലെ ആദ്യകാലത്തെ ഒരു പ്രധാന നടനും ആശാനും ആയിരുന്നു. പൊന്നാനി താലൂക്കിലെ നാഗലശ്ശേരി അംശത്തെ ചാലപ്പുറം ദേശത്തുള്ള പൊയിലത്ത് അമ്പലത്തിന്റെ തെക്കേ വശത്താണ് പൊയിലത്ത് വാരിയം. 1770-1780 കാലത്താണ് അദ്ദേഹത്തിന്റെ ജനനം.

കാർത്തികതിരുനാളിന്റെ കാലത്തിനു ശേഷം തിരുവിതാംകൂറിൽ പ്രശസ്തിയാർജ്ജിച്ച നടനും ആശാനുമാണ് കാവാലം കൊച്ചുനാരായണപ്പണിക്കർ. അദ്ദേഹം 1797ൽ കാവാലം അയ്ക്കര വീട്ടിൽ ജനിച്ചു. അക്കാലത്ത് കളിച്ചിരുന്ന കഥകളിലെ ആദ്യവസാനവേഷങ്ങളെല്ലാം അദ്ദേഹം കെട്ടിയിരുന്നു.

തകഴി രാമന്‍ പിള്ളയായിരുന്നു ആദ്യകാല കഥകളി ഗുരു. പിന്നീട്‌ ചെന്നിത്തല കൊച്ചുപിള്ള പണിയ്ക്കര്‍, ചെങ്ങന്നൂര്‍ രാമന്‍ പിള്ള എന്നിവരുടെ കീഴിലും അഭ്യസിച്ചിട്ടുണ്ട്.
മുഖത്തിനും ദേഹത്തിനും നല്ല ആകൃതിഭംഗിയും രസവാസനയും കാരണം അദ്ദേഹം പച്ചവേഷങ്ങളിലും കത്തി മിനുക്ക് എന്നീ വേഷങ്ങളിലും ഒരുപോലെ ശോഭിച്ചു.

കുടമാളൂര്‍ കരുണാകരന്‍ നായര്‍ സ്ത്രീവേഷത്തിലും കുചേലന്‍ നാരദന്‍ എന്നിങ്ങനെയുള്ള മിനുക്ക് വേഷങ്ങളിലും അതി കേമനായിരുന്നു. സ്ത്രീത്വവും സന്ദര്യവും അദ്ദേഹത്തിന്റെ വേഷങ്ങൾക്ക് കൂടുമായിരുന്നു. അസ്സൽ നടനഭംഗിയുമുണ്ടായിരുന്നു. ഉർവ്വശി, ലളിത, മോഹിനി, ദമയന്തി, സൈരന്ധ്രി, കാട്ടാളസ്ത്രീ, മണ്ണാത്തി എന്നിങ്ങനെ എല്ലാ വേഷങ്ങളിലും തിളങ്ങിയിരുന്നു. തെക്ക്-വടക്ക് ഭേദമന്യേ അദ്ദേഹം ജനസമ്മതനായിരുന്നു.