ചൂണ്ടുവിരലിന്റെ ഒരരികിൽ തള്ളവിരൽ തൊടുകയും മറ്റ് വിരലുകളെല്ലാം മടക്കുകയും ചെയ്താൽ മുഷ്ടി ആയി.
താണ്‌ നിന്ന് കാട്ടുന്ന സം‍യുതമുദ്ര.
ഇരുകയ്യിലേയും ഹംസപക്ഷങ്ങള്‍ പുറത്തേയ്ക്ക് തിരിച്ച് മാറിനുമുന്നില്‍ പരസ്പരം ചേര്‍ത്ത് പിടിച്ച് അല്‍പ്പം ഒന്ന് ഉയര്‍ത്തി ഇരുകൈകളും ഉള്ളിലേക്ക് തിരിച്ച് വിരലുകള്‍ പരസ്പരം ചേര്‍ന്നിരിക്കുന്നവിധം ഇരുകൈകളിലും മുഷ്ടി പിടിക്കുക.
മുമ്പിലേക്ക് കാല്‍ തൂക്കി വെച്ച് ചവിട്ടി കാട്ടുന്ന സം‍യുതമുദ്ര.
ഇരുകൈകളിലും പിടിച്ച മുഷ്ടി മാറിനുസമം അകത്തി പിടിച്ച് മുമ്പിലേക്ക് കാല്‍ തൂക്കി വെച്ച് ചവിട്ടുന്നതോടെ പരസ്പരം കൂട്ടിമുട്ടുന്നതായി കാണിക്കുന്നു. ഇത് രണ്ടോ മൂന്നോ തവണ ആവര്‍ത്തിക്കാവുന്നതാണ്‌.
ആകട്ടെ (മൂന്ന്)
കാല്‍കൂട്ടി നിന്ന് കാട്ടുന്ന അസം‍യുതമുദ്ര.
അരക്കുമുന്നില്‍ പിടിച്ച മുഷ്ടി വിട്ട് ഹംസപക്ഷമാക്കി അല്‍പ്പം താഴെത്തി മുകളിലെക്ക് എടുത്ത് നെറ്റിയ്ക്ക് മുന്നില്‍ കൊണ്ട് വന്ന് വീണ്ടും മുഷ്ടി പിടിക്കുക.
ആകട്ടെ (രണ്ട്)
കാല്‍കൂട്ടി നിന്ന് കാട്ടുന്ന സം‍യുതമുദ്ര.
ഇരുകൈകളിലേയും മുഷ്ടികള്‍ ശിരസ്സിനുമുന്നില്‍ ഉള്ളിലെക്ക് തിരിച്ച് പിടിച്ച് വിട്ട് ഹംസപക്ഷമാക്കി താഴേക്ക് ചലിപ്പിച്ച് അരയ്ക്ക് സമം കൊണ്ട് വന്ന് മുഷ്ടി പിടിച്ച് വീണ്ടും വിട്ട് ഹംസപക്ഷം ആക്കി ഒരിക്കല്‍ കൂടി താഴെ നിന്ന് മുകളിലേക്ക് ചലിപ്പിച്ച് നെറ്റിക്ക് സമം കൊണ്ട് വന്ന് മുഷ്ടി പിടിക്കുക.
ആകട്ടെ (ഒന്ന്)
താണ്‌ നിന്ന് കാട്ടുന്ന സം‍യുതമുദ്ര.
ഇരുകൈകളിലേയും മുഷ്ടി നെറ്റിക്ക് മുന്നില്‍ ഉള്ളിലെക്ക് തിരിച്ച് പിടിച്ച് വിട്ട് ഹംസപക്ഷം ആക്കി താഴേക്ക് ചലിപ്പിച്ച് അരയ്ക്ക് സമം കൊണ്ട് വന്ന് വീണ്ടും മുകളിലേക്ക് ചലിപ്പിച്ച് ശിരസ്സിനു മുന്നില്‍ കൊണ്ട് വന്ന് മുഷ്ടി പിടിക്കുന്നു.
കാല്‍കൂട്ടി നിന്ന് കാട്ടുന്ന സം‍യുതമുദ്ര.
മുന്നോട്ട് നീട്ടി പിടിച്ച കൈകളിലെ മുഷ്ടികള്‍ ഊഞ്ഞാല്‍ ചരടില്‍ പിടിച്ച് മുന്നിലേക്കും പിന്നിലേക്കും ആട്ടുന്നത് പോലെ ചലിപ്പിക്കുന്ന മുദ്ര.
ചവിട്ടിച്ചാടി കാണിക്കുന്ന സം‍യുതമുദ്ര.
കൈകള്‍ ഇരുവശത്തേക്കും നീട്ടിയിട്ട് രണ്ട് ചുവട് മുന്നോട്ട് വന്ന് പരത്തി ചവിട്ടി കൈകള്‍ ചുഴിച്ചമര്‍ന്ന് പിന്നിലേക്ക് ഉയര്‍ന്ന് ചാടി ഇരുകൈകളിലും അരാള മുദ്ര മലര്‍ത്തി പിടിച്ച് അരക്കുസമം കൊണ്ട് വന്ന് കുഴ മുകളിലെക്കും താഴേക്കും ഇളക്കി കൈകള്‍ മുകളിലേക്ക് കൊണ്ട് വന്ന് നെറ്റിയ്ക്ക് സമം സൂചികാമുഖം ആക്കുക. പിന്നീട് ഇരുകൈകളിലും മുഷ്ടി പിടിച്ച് വിട്ട് ഹംസപക്ഷം ആക്കി കൈകളിളക്കി ഇരുവശത്തേക്കും കൊണ്ട് വന്ന് നിവര്‍ത്തി ഇടുക.
താണ്‌ നിന്ന് കാട്ടുന്ന സം‍യുത മുദ്ര
വലത്തെ കയ്യിലെ ഹംസപക്ഷം പുറത്തേക്കും ഇടത്തെ കയ്യില്‍ ഹംസപക്ഷം അകത്തേയ്ക്കും മാറിനു മുന്നില്‍ അല്‍പ്പം അകത്തി പിടിച്ച് ഇരുകൈകളും മാറിനോട് അടുപ്പിക്കുമ്പോള്‍ വലത്തെ കൈ ഉള്ളിലേക്കും ഇടത്തേക്കൈ പുറത്തേക്കും തിരിച്ച് ഇരുകൈകളിലും മുഷ്ടി പിടിക്കുക.