വ്യാജമിഹ ചെയ്യുമോ ഞാൻ നിന്നരികിൽ

സർവ്വദാ വസിക്കയല്ലേ അവനുടയ
 

ബാഹുബലമുണ്ടോ ശിവശിവ!

വിപൃഥു സഹിക്കുമോ?

(സഹിക്കുന്നു - എന്ന് പാഠഭേദം)

കൃഷ്ണ! തവ സമ്മതം മാത്രമുണ്ടായിതോ

തൃഷ്ണകൊണ്ടാശ്ശഠൻ മാത്രം കഥിച്ചിതോ?
 

കഥയ കഥയാദരാൽ വിപൃഥുവുമറിഞ്ഞിതോ?

എന്തു ബന്ധം സഖേ തോറ്റോടുവാൻ?

രാജവര! നീതിജലധേ! രജനികര 

തുല്യമുഖ കേൾക്ക സുമതേ! വീരവര!
 

ചാരുതര രൂപ ജയ സാഹസമിതരുതേ

ആര്യ തവ പാദമിഹ വന്ദേ മുസലധര

ആര്യ തവ പാദമിഹ വന്ദേ

ഇത്ഥം ബ്രാഹ്മണരും പറഞ്ഞു നടകൊള്ളുന്നോരവസ്ഥാന്തരേ

ശ്രുത്വാ പാർത്ഥവിചേഷ്ടിതാനി പരുഷാനുദ്യൽ ഗദാ ഭീഷണം

ദ്വീപാദാത്മപുരീം പ്രവിശ്യ വിഹസൻ കോപാദ്വിധക്ഷന്നിവ

ത്രൈലോക്യം മുസലീ ജഗാദ വചനം പാദാനതം സോദരം
 

വത്സ ഘടോൽക്കച മൽസഹജോപമ!

ത്വൽ സഹായം സുഭഗം
 

ഉത്സുകമോടെ ഗമിക്ക നാം നമ്മുടെ

പത്തനം തന്നിലുദാര ഗുണൗഘം

പോരിൽ തോറ്റു കപിവരനഹോ ഭൂരിഭീത്യാ നടന്നാൻ

താരിൽ കന്യാരമണസഹജാം വീണ്ടുകൊണ്ടാശരേന്ദ്രൻ

വീരൻ പാർത്ഥൻ പരിസരമണഞ്ഞാതുരാം താം കൊടുത്താൻ 

നത്വാ നിന്നിട്ടനിലതനയൻ നന്ദനൻ വാചമൂചേ
 

പാരാതെ നീ പോരിന്നായി നേരിടുക വാനര!

ഭീരുവെങ്കിൽ നാരിയെ വിട്ടുപോക ദൂരെ

പഞ്ചാസ്യനു ജംബുകത്താൽ

പഞ്ചത്വം വന്നീടുമോ?

ഭീഷണികൾ കൂടാ നിന്റെ ഭോഷനല്ല വിവിദൻ

ഭീമപുത്രൻ ഘടോൽക്കചൻ

ഭീമബലമുള്ളവൻ ഞാൻ

ഭീമയുധി കൊന്നു നിന്നെ ഭാമിനിയെപ്പാലിപ്പൻ

വിവദിക്കേണ്ട വിവിദനഹം

വിദിതനല്ലോ ഭുവനേ
 

തരുമോ ഞാനീത്തരുണീമണിയെ?

നരകനിന്നു നൽകുവൻ