വല്ലാതെ ഓരോന്നിവണ്ണമുരച്ചാൽ

കൊല്ലുന്നുണ്ടുനിന്നെ വൈകിയാതെ ഞാൻ

ദശരഥസുതനേവം ചൊന്നതുകേട്ടശേഷം

നിസിചരവരവീരന്മോദമോടാളുമപ്പോൾ

ദശമുഖവചനത്താൽ വേഷവും മാറ്റി വന്നു

ശുകനഥശുകരൂപീസൂര്യസൂനും ബഭാഷേ
 

കഷ്ടം! പ്രഹസ്ത! നീ ചൊന്നതു നൂനം ഒട്ടുമിതുയോഗ്യമല്ലല്ലൊ

വില്ലാളിയാകിയ രാമനെ പോരിൽ വെല്ലവാനേതൊരുവനുള്ളൂ

വീരനായ ഖരൻ രാമനോടേറ്റുപോരിൽ മരിച്ചതു കേട്ടില്ലെ?

ഘോരനായുള്ളാ കബന്ധനും പിന്നെപ്പോരിൽ മരിച്ചെന്നുകേട്ടില്ലേ?

ബാലിയേയും രാമൻ കൊന്ന വൃത്താന്തം ചേലൊടുനിങ്ങൾ കേട്ടില്ലയോ?

അത്രവൻപനായ രാമനെക്കൊൽവാനത്ര സമർത്ഥനേവനൊള്ളു?

മിത്രരായ നിങ്ങൾ രാക്ഷസേശന്നു ശത്രുക്കളെന്നു കരുതുന്നേൻ

ചെറ്റുമപായം‌നിനയാതെ തന്നെ മറ്റോരോന്നേവമുരയ്കയാൽ

രാക്ഷസരാജമഹാമതേ! കേൾക്ക ഇക്ഷണം ഞാൻ തന്നെചെന്നുടൻ

ഭക്ഷിച്ചീടുന്നുണ്ടു രാഘവനെയും ലക്ഷ്മണനെയും സൈന്യത്തെയും

ഒട്ടുമേഖേദത്തെ ചെയ്തീടവേണ്ട മട്ടോൽമൊഴി സീതകാരണാൽ

ദുഷ്ടസം‌ഹാര! നീ ചൊല്ലുകിൽ ഞങ്ങൾക്കൊട്ടും വൈകാതെ നട കൊള്ളാം

ത്രൈലോക്യനാഥദശാനനകേൾക്കചേലൊടുനീയെന്റെ വാക്കുകൾ

മുന്നം‌മഹിപന്മാരൊന്നുചെയ്കിലൊ നന്നായ് വിചാരിച്ചു ചെയ്യണം

എന്നാലവന്നൊരുകാലവുമൊരധന്യതവന്നീടുകയില്ല

ഓരാതെ‌ഓരോന്നുചെയ്കിലോ അവൻ പാരാതെ പാപം ഭുജിച്ചിടും

രാമനൊരുദോഷമെന്നുമേതവ കാമം ചരിപ്പവനല്ലല്ലൊ

രാമന്റെ ഭാര്യര്യെ കൊണ്ടുപോന്നതും ഭീമബല! യോഗ്യമല്ലല്ലൊ

അന്നു നിന്നെ രാമൻ കൊന്നില്ലെന്നതും നന്ദിതന്നെയൊന്നേചൊല്ലാവു

ഇന്നിയൊട്ടും ഖേദം ചെയ്തീടവേണ്ട നന്നായി സുഖിച്ചു നീ വാഴുക

കൊന്നീടുന്നുണ്ടവരെല്ലാരെയും ഞാൻ ധന്യസഹോദര രാവണ!

തദനുകപികളോടും‌രാഘവൻതമ്പിയോടും

ജലനിധിയുടെതീരം‌പുക്കിരുന്നൂമഹാത്മാ

ദശമുഖനതുകേട്ടിട്ടപ്പൊഴേമന്ത്രിമാരേ

വിരവിനൊടുവിളിച്ചിട്ടേവമഗ്രേബഭാഷേ
 

പുഷ്പവർഷത്തെയേറ്റസ്സീതയാ തമ്പിയോടും

യുദ്ധഭൂവിങ്കൽ നിൽക്കും രാമചന്ദ്രം തദാനീം

ഷൾപദാംഗാഭമാരാൽ മാമുനീവൃന്ദമെല്ലാം

സ്തുത്യവും ചെയ്തു മോദം‌പൂണ്ടിവണ്ണം ബഭാഷേ
 

പങ്കജസംഭവബാണമിദാനീം സങ്കടമെന്നിയയച്ചീടുന്നേൻ

ഇക്ഷണമേവ തവ ശിരസ്സെയറുത്തു മറിച്ചീടുവൻ

ആടലെനിക്കു മനസ്സിൽ നഹി നഹി  

മൂഢതയൊക്കെയകന്നു തുലോം

ചാരുതരം മരണം എനിക്കിഹ വീരശിഖാമണിയേ

ചക്രഗദാംബുജകംബുധരൻ നീ

വിക്രമമേറിയ വിഷ്ണുവല്ലൊ

മൂർത്തിമിമാം മമ പൊക്കി നികാമം

മുക്തിവരുത്തുക ലോകപതേ

നായകനോടമർചെയ്തു മരിപ്പതിനായിതല്ലൊ മമ ഭാഗ്യവശം

ഘോരശരം‌തടു മേ ഖരാ, നീ വീരശിഖാമണിയേ!

ആജിയിൽ നിന്റെ രഥത്തിനടുത്തൊരു

വാജികളെക്കൊലചെയ്തിടുവൻ

മാതലിയോടുമെതിർത്തു ജയിച്ചൊരു

സൂതനെയും കൊലചെയ്തിടുവൻ

സാധുജനത്തിനു ഭീതിയെ നൽകിന

കേതനവും മുടിചെയ്തിടുവൻ

പാരമെഴുന്നു വളർന്നൊരു നിൻരഥവും മുറിചെയ്തിടുവൻ