ദേവകളും വിഷ്ണുവുമിന്ദ്രനുമായ്‌വന്നു
ആവോളവുമമർ ചെയ്തുവെന്നാകിലും
സീതയെ നൽകീടുകയില്ല ഞാൻ നിർണ്ണയം
ഏതുമെന്നോടിതു ചോല്ലീടൊല്ലാ വൃഥാ

ശ്ലോകം:
രഘുവരനപമാനം ചെയ്തുടൻ പങ്‌ക്തികണ്ഠം
വിരവൊടു ഭവനത്തിൽ യാത്രയാക്കീ ദയാവാൻ
സതു ഹ്രിദിപരിതാപന്മന്ത്രിണോമൂഢമൂഢാൻ
സകരുണമുടനഗ്രേ ചൊല്ലീനാശരേന്ദ്രൻ
 

മുഷ്ടി കൊണ്ടിടിച്ചു നിന്നെ പിഷ്ടനാക്കുന്നുണ്ടു
കഷ്ടമായ കർമ്മം ചെയ്ത ദുഷ്ടാത്മാവാം മൂഢാ

മുറിയും നിന്നുടെ കണ്ഠം നൂനം
വിധി ദത്താം ശക്തിയെ ഞാൻ അയക്കുന്നു തടുത്തു കൊൾക നീ
കൊണ്ടുപോവനെന്നുടയ മന്ദിരത്തിലേനം
ചണ്ഡനായ രാമനെന്തു ചെയ്യുന്നതതിന്നു?

പോരും പോരും നിന്റെ വാക്കു നേരുതന്നെയെല്ലാം
പോരിന്നായി വരികിലതു കണ്ടീടുന്നുണ്ടല്ലോ

മാനുഷ കിശോരമൂഢ ദുര്‍മ്മതേ ദുരാത്മൻ
അല്പതര കീട തുല്യ പോരിന്നെതിര്‍ത്തോ നീ
മത്ത പഞ്ചാസ്യനോടിന്നു യുദ്ധ്ഞ്ചെയ്‌വാനേണ
മോര്‍ത്തു വരുമോ നിനയ്ക്കിലവ്വണ്ണം നീ വന്നു

പൊട്ടാ കേൾ നീ മര്‍ക്കടമേ കാട്ടിൽ കനിതിന്നു
ഒട്ടും ഭയം കൂടാതെ വസിക്ക തവ നല്ലൂ

കഷ്ടമെന്റെ മുന്നിലിന്നു മര്‍ക്കടാ എന്മനം
ഞെട്ടുമാറു പറയുന്നതൊട്ടും സഹിയായേ

ആരെടാ നീ നീലനോടാ? വീരനെന്നുമത്വാ
നേരെവന്നെതിര്‍ക്കുന്നതു നല്ലതല്ലാ നൂനം

മുന്നം നീയിടിച്ചീടുക പിന്നെ ഞാനും നിന്നെ
ഒന്നടിച്ചു ഭൂവിയിലിട്ടു കൊല്ലുന്നുണ്ടു നൂനം.