ശിഷ്ടാത്മാവേവമോതീട്ടതുവിധമഖിലംചെയ്തു ശത്രുഘ്നനപ്പോൾ

പുഷ്ടാനന്ദം കലർന്നൂ ജനികളഥ മാലോകരിൽ ശോകമറ്റു

പട്ടാളക്കാരുമെല്ലാം പരിചിനൊടു പുറപ്പെട്ട നേരത്തു വാനിൽ

തുഷ്ട്യാ കോലാഹലം കേട്ടരുളി ഭരതനോടാത്മരൂപീ ഹനൂമാൻ
 

 

കേട്ടാലും ഘോരമാം കാട്ടിൽ‌ വെച്ചു രക്ഷോ-

രാട്ടായ രാവണനാൽ, സീത

മുഷ്ടയായ്ത്തീർന്നിതെന്നിട്ടു വിപിനത്തി-

ലൊട്ടുക്കങ്ങന്വേഷിച്ചു രഘുവരൻ

 

തമ്പിയോടൊന്നിച്ചു പമ്പാതീരം പുക്കു

വമ്പനാം സുഗ്രീവനെക്കണ്ടു

അമ്പോടു സഖ്യവും ചെയ്തു കപികുല-

ഗംഭീരന്മാരോടൊത്തു രഘുവരൻ

 

സിന്ധുമദ്ധ്യേ സേതുബന്ധിച്ചു ലങ്കയി-

ലന്തരമെന്യേ ചെന്നു, ദശ-

കന്ധരൻ തന്നെ തൽ ബന്ധുക്കളോടൊത്തു

ഹന്ത! ഹനിച്ചു വീരൻ രഘുവരൻ

 

വേണ്ടാ ഖേദം വെറുതേ, ഹൃദി മോദം-

പൂണ്ടുകൊൾക സുമതേ!

 

കൊണ്ടൽവർണ്ണൻ രാമൻ കാന്തയോടും വന്നി-

ട്ടുണ്ടിഹ ലക്ഷ്മണനും ഗുണാംബുധേ

 

വിശ്രമാർത്ഥം ഭരദ്വാജമുനിയുടെ

ആശ്രമം തന്നിലിപ്പോൾ, സുഖം

ആശ്രിതവത്സലൻ വാഴുന്നു, ലോകൈക-

വിശ്രുതൻ രാമചന്ദ്രൻ ഗുണാംബുധേ!

 

സന്ദേഹം വേണ്ട ഹേ! സുന്ദരാംഗൻ രാമൻ

സുന്ദരീസീതയോടും, പിന്നെ-

തന്നുടെ സോദരൻ തന്നോടുമൊന്നിച്ചു

വന്നീടുമിങ്ങു നാളെ, ഗുണാംബുധേ!

 

ദാശപതേ! ഭവാനാശയതാരിങ്ക-

ലാശു കോപമുളവായതെന്തിങ്ങിനെ?

 

ലേശമെന്നാലുമിദ്ദാശപ്പരിഷയ്ക്കു

മോശം വരുത്തുവാനാശിച്ചതില്ല ഞാൻ

 

കീശ കുലോത്ഭവനേഷ ഞാനെങ്കിലും

ദാശരഥിയുടെ ദൂതനെന്നോർമ്മ മാം

 

ആശുഗപുത്രൻ ഹനൂമാനഹം തവ

നാശകനല്ലൊരു മിത്രമത്രേ സഖേ!

 

സ്വാമിയാം രാമനും ശ്രീമതി സീതയും

ശ്രീമാനം സൗമിത്രി താനും ഗുണാംബുധേ!

 

സാമോദം വന്നുവാഴുന്നു ഭരദ്വാജ-

മാമുനി തന്നുടെ സന്നിധൗ സന്മതേ!

 

ശ്രീരാമദൂതനിദമോതി നടന്നു ഗംഗാ-

തീരത്തു ചെന്നളവഹോ! ബഹു ദാശവർഗ്ഗം

പാരാതെ തത്ര വലവീശുവതിന്നു മറ്റേ-

ത്തീരത്തു വഞ്ചികളിൽ വന്നു നിരന്നു മോദാൽ
 

 

പാർത്ഥിവ വംശമണേ! ഭവാനുടെ

കാൽത്തളിർ പണിയുന്നേൻ

 

ആസ്ഥയോടൊത്തിത പോകുന്നേൻ നി-

ന്നാജ്ഞ ചെയ്തുകൊൾവാനായ് കേവലം

 

കരുണാലേശം തേ മയി വരികിൽ

കാര്യമെന്തു വിഫലമായ് വരുന്നതു?

 

നാകാപഗതന്റെ മറുകര പൂകാം ഞാനുടനേ

വേഗമോടു ചെന്നു കണ്ടു ഗുഹനൊടു

 

വാർത്തയൊക്കെയോതിടുന്നതുണ്ടഥ

പോകാമുടനേയയോദ്ധ്യയതിലഹ-

മോതുമത്ര ഭരതനോടവസ്ഥകൾ

 

ത്വൽക്കഥയതുമറിയാം വന്നിഹ വെക്കം ഞാൻ പറയാം

കാന്താമേവം കലുഷഹൃദയാം സാന്ത്വയിത്വാ സമോദം

ലങ്കാധീശേ വസതിസസുഖം വിഷ്ണുഭക്തേ വിവിക്തേ

ആജ്ഞാപുഷ്പം ശിരസികലയൻ സ്വാമിനസ്സ്വൈരഗാമീ

ഗത്വാ പ്രോചേ സമ്പദി വചനം തത്ര ധീമാൻ ഹനൂമാൻ
 

 

ശ്രുത്വാ ച മാതൃവചനം മുദിതൌ കുമാരൌ 

ബദ്ധം മുമോചതുരലം കപിമാദരേണ

സോപി പ്രമോദിതമനാസ്സമുപേത്യ സീതാം 

ഭക്ത്യാ പ്രണമ്യ നിജഗാദ ഗിരം ഹനുമാന്‍
 

 

വീരവരനെങ്കിലിഹ ഘോരസമരാങ്കണേ

ധീരത കലര്‍ന്നിവിടെ നിന്നീടുക