ചരണം
ആനതേർ തുരഗാദി മേദുര
സേനയോടു സമേതനായഥ
ഞാനുമൊരുവഴി വന്നു ഗോക്കളെ
യാനയിച്ചീടുവൻ വിരവൊടു
പല്ലവി
കേൾക്കമേ വചനം ത്രിഗർത്തപതേ! പോക
മാത്സ്യേശ്വരഗോക്കളെക്കൊണ്ടാശു വരിക ഭവാൻ.

ചരണം 1
പോർക്കളത്തിൽ മദിച്ചു നമ്മൊടു
നേർക്കുമരികളെയാകവേ, ശിത-
ഗോക്കളെയ്തു ജയിച്ചു വിരവൊടു
ഗോക്കളെക്കൊണ്ടുവന്നീടുവൻ.
പല്ലവി
കൗരവേന്ദ്ര നമോസ്തു തേ! നൃപതേ!
കരമാവ കിം വദ !
കൈരവപ്രിയകുലമണേ ! സുമതേ !

ചരണം 1
മത്സരം കലരുന്ന പാണ്ഡവർ
മത്സപത്നരൊളിച്ചു സംപ്രതി
മാത്സ്യ രാജപുരേ ത്രയോദശ
വത്സരത്തെ നയിച്ചിടുന്നിതു.
പല്ലവി
കേൾക്കമേ വചനം ത്രിഗർത്തപതേ! പോക.
മാത്സ്യേശ്വരഗോക്കളെക്കൊണ്ടാശു വരിക ഭവാൻ
ചരണം 2
തൽക്ഷണം പ്രതിപക്ഷരവർ
നൃപപക്ഷപാതമിയന്നു ഗോധന-
രക്ഷണത്തിനു വരികിലിഹ
വിപിനക്ഷിതൌ പോകേണമിനിയും.

പല്ലവി
കൗരവേന്ദ്ര നമോസ്തു തേ! നൃപതേ!
കരവാമ കിം വദ !
കൈരവപ്രിയകുലമണേ ! സുമതേ !
ചരണം 1
വൈരി വാരമതീവ തവ ഭുജ-
ഗൗരവാൽ ഭയമോടു ഗിരി തട-
ഭൈരവാടവിയതിലുമധുനാ
സ്വൈരവാസം ചെയ് വതില്ലിഹ.

ദുര്യോധനൻ പറഞ്ഞതിനനുസരിച്ച് ത്രിഗർത്തൻ ദുര്യോധനന്റെ സന്നിധിയിൽ എത്തുന്നു. ത്രിഗർത്തനോട് വിരാടപുരിയിൽ പോയി ഗോക്കളെ കൊണ്ടുവരാൻ ദുര്യോധനൻ ആജ്ഞാപിക്കുന്നു.

എന്നാൽ വിരാടന്റെ ഗോധന-
മൊന്നൊഴിയാതെ ഹരിക്കണം ;
സന്നദ്ധരായവർ വന്നീടുന്നാകിലി-
ന്നിയുംകാട്ടിലയച്ചീടാം.

സാരവേദിയായ നിന്റെ വാക്കു പാർത്തുകാൺകിലിന്നു
ചേരുമിങ്ങതിന്നു തെല്ലുമില്ല സംശയം.
ഭീമ ബാഹുവീര്യനായ കീചകനെക്കൊൽവതിന്നു
ഭീമസേനനെന്നിയേ മറ്റാരു ഭൂതലേ ?
മത്തവാരണേന്ദ്രകുംഭകൃത്തനം നിനയ്ക്കിലിന്നു
ശക്തനായ ഹരിവരനൊഴിഞ്ഞുകൂടുമോ ?
നാരി മൗലിയായിടുന്ന യാജ്ഞാസേനിതന്നെയതിനു
കാരണം ധരിച്ചുകൊൾക നിപുണതരമതേ!

മേദിനീപാലവീരന്മാരേ! കേൾപ്പിൻ
സാദരമെന്നുടെ ഭാഷിതം.
സൂതസുതൻ തന്റെ വൃത്താന്തമിന്നു-
ദൂതൻ പറഞ്ഞതു കേട്ടില്ലേ?
വൃദ്ധവിരാടപുരംതന്നിൽ ഗൂഢം
മുഗ്ദ്ധന്മാരാകിയ പാർത്ഥന്മാർ
ബദ്ധമോദം നിവസിച്ചീടുന്നെന്നു
ബുദ്ധിയിൽ സംശയമുണ്ടു മേ ;
സിന്ധുരവൈരിപരാക്രമ
സുരസിന്ധുതനൂജ മഹാമതേ !
ബന്ധുക്കളാകിയ നിങ്ങളുമതു
ചിന്തിച്ചു വൈകാതെ ചൊല്ലുവിൻ

ശ്ലോകം
ഗാന്ധാരകർണ്ണ സുര സിന്ധുജ സിന്ധുരാജ-
ശല്യാദി കല്യതര ബന്ധുജനൈഃ പരീതം.
അദ്ധാ കദാചന സുയോധനമഭ്യുപേത്യ
ബദ്ധാഞ്ജലിസ്സദസി കോപി ജഗാദ ദൂതഃ

ഭീഷ്മർ, കർണ്ണൻ, ശകുനി തുടങ്ങിയവർ ഇരിക്കുന്ന ദുര്യോധനന്റെ സദസ്സിലേക്ക് ഒരു ദൂതൻ വരുന്നു. ദുര്യോധനന്റെ ആജ്ഞപ്രകാരം, അജ്ഞാതവാസത്തിലായിരുന്ന പാണ്ഡവന്മാരെ പലസ്ഥലങ്ങളിൽ തിരഞ്ഞുവെങ്കിലും ആരെയും കണ്ടെത്താൻ അഴിഞ്ഞില്ല എന്ന് ദൂതൻ അറിയിക്കുന്നു. എന്നാൽ വിരാടപുരിയിൽ, ഒരു സുന്ദരി കാരണം, കീചകൻ ഒരു ഗന്ധർവ്വനാൽ കൊല്ലപ്പെട്ടു എന്നൊരു വാർത്ത കേട്ടതായി ദൂതൻ അറിയിച്ചു. ഇതു കേട്ട ദുര്യോധനൻ, പാണ്ഡവന്മാർ വിരാടപുരിയിൽ ഉണ്ടായിരിക്കുമെന്ന് ഊഹിച്ചു. ഭീഷ്മർ ദുര്യോധനന്റെ ഊഹം ശരിയാണെന്ന് പറഞ്ഞതനുസരിച്ച് വിരാടപുരിയിൽ പോയി ഗോക്കളെ അപഹരിക്കാൻ ദുര്യോധനൻ തീരുമാനിക്കുന്നു.