പദം

തിഷ്ഠ! ഹലായുധ! മുഷ്ടിയുദ്ധമിഹ
കർത്തുമദ്യ രേ ഭോ ഭോ
ഒട്ടും ഭയമയി നഹി യുധി ഞങ്ങൾ
പെട്ടെന്നിനി നിൻ തല കൊയ്തീടും
എടുത്തു ഗദ പടുത്വമൊടു നിൻഹതി
തടുത്തു വയം കടുത്ത കോപമൊടുടൻ
കിടത്തി യുധി നിന്നെ ഇന്നുതന്നെ കൊന്നു പിന്നെ യദി
പടുത്വമിഹ വാടാ നൃപതികീട
ഝടിതി മൂഢ! നീ ഗാഢം.

ശക്രനന്ദനൻ ഞാനഹോ രിപുചക്രസൂദനൻ കേൾ
ശക്രവൈരി ലോകമതൊരുമിച്ചിഹ
വിക്രമങ്ങൾ ചെയ്കിലുമതു ഫലിയാ
ചിത്രമെന്നുചൊല്ലാം മനോരഥമത്ര നിന്റെയെല്ലാം
വൃത്രനാദി ദേവവൈരിനിവഹം
അത്രവന്നു സമരമിന്നു ചെയ്യുമോ?

ചണ്ഢവീരസോഢാ ബല! കിം
പാണ്ഡുതനയ മൂഢ!
ഭിണ്ഡിപാലതാഡനങ്ങൾകൊണ്ടു നിൻ
കണ്ഠമിന്നു ഖണ്ഡയാമി ഷണ്ഡ!
(ഗാഢമിന്നു വാടാ രണത്തിനു ധീരനെങ്കിൽ മൂഢ!)

പദം
ഗാഢമിന്നു വാടാ രണത്തിനു ചേദിഭൂപ ഖേടാ!
ചാടുവാദമിന്നു ചെയ്ത നീ മമ
പാടവങ്ങൾ കാണെടാ നൃപകീടാ
വളരെയുണ്ടു ഗർവം നിനക്കതു
കളവതിന്നു സർവം
നളിനനയന ദൂഷണങ്ങൾ ചൊന്നനിൻ
ഗളമരിഞ്ഞു കളവനില്ല സംശയം.

ശൃണുത ഗിരം മേ സർവേ യൂയം
ശൃണുത ഗിരം മേ
ധരണീപതി ധർമ്മജനിഹ ചെയ്തൊരു
ധരണീപതിഹേളനമിന്നോർത്താൽ
കരളതിലിന്നുമമ വളരുന്നു കോപമേറ്റം
വിരവിലൊരു ഗോപാലം വരിച്ചതുമഗ്രേ കാൺക
ഗോകുലത്തിലിവൻ വളർന്നതും പിന്നെ
ഗോപികമാർ വീട്ടിൽ വെണ്ണകവർന്നതും ചില
ഗോപരമണിമാരെപ്പുണർന്നതും ഭൂപചിഹ്നമില്ലാത്തതും
താപം നൽകിയതും മാതുലനു
താപം പൂതനയ്ക്കങ്ങു നൽകിയതും
കാപട്യം കൊണ്ടിവൻ വൈദർഭിയെ വേട്ടതും നല്ല
ഭൂപന്മാരിരിക്കവെ യാദവനെപ്പൂജിക്ക
കോപി ചെയ്കയില്ലേവം ഭൂപതിവരരേ
ജാതിയിന്നതെന്നിവനറിഞ്ഞിട്ടുണ്ടോ പിന്നെ-

ശ്രീപതേ നിന്നുടെ കാരുണ്യത്താൽ സംഹരിച്ചിതു
ഭൂപനാം ജരാസന്ധനെ വേഗാലെന്നതുകൊണ്ടു
താപം തീർന്നിതു ഞങ്ങൾക്കെല്ലാം
പാഹിമാം ശൗരേ നീലനീരദസുമേചക!
പാലിത ഗോപാലക! കാലിതസുരവൈരിലോക!
ഫാലശോഭി മൃഗമദതിലക കരുണാംബുരാശേ! കൈതൊഴുന്നേൻ ചരണം തവ.

ശ്ലോകം
തദനു ധർമ്മസുതം ഹരിനന്ദനോ
മഗധരാജവിഘാത കഥാം ശുഭാം
ഗദിതവാൻ ജഗദേകധനുർദ്ധരോ
വിദിതശൗരി കൃപാമുദിതാശയഃ

പദം
ഭൂപതിവീരരേ! ഭവതു കല്യാണം
താപമശേഷവും പോയിതു ദൂരെ.
ഗോഭൂദേവന്മാരുടെ പാലനം
ശോഭനശീലന്മാരേ ചെയ്ക
മാനവശാസ്ത്രേ ചൊന്നൊരു കർമ്മങ്ങൾ
ശോഭനശീലന്മാരേ ചെയ്ക
ഇങ്ങിനെ ഭൂപാലനമതു ചെയ്താൽ
മംഗലമിനിയും വരുമിഹ മേലിൽ.

വിക്രമി ഭീമനിവൻ, ശക്രനന്ദനനിവൻ
ചക്രപാണി കൃഷ്ണനെന്നെന്നെയും ബോധിക്ക നീ
വിക്രമിയെങ്കിൽ ബാഹു വിക്രമംകാട്ടുക രിപു-
ചക്രങ്ങളെയഖിലം കൊന്നുടനിഹ
ശീഘ്രം സുഖമഖിലർക്കും നൽകുവൻ.
 

ഭൂദേവന്മാരെപ്പോലെസാദരമന്നാകാംക്ഷ
നീതിജലധേ ഞങ്ങൾക്കില്ല
വീതശങ്കം സപദി ദ്വന്ദ്വയുദ്ധം തരിക
അതു സമ്പ്രതി കുതുകം പൂണ്ടിഹ വയ-
മധുനാ തവ സവിധം പ്രാപിച്ചിതു.