കുന്തീതനയന്മാർക്കു നിതാന്തം സന്താപങ്ങൾ വരുത്തിയൊരിവനെ

അന്തകനാശു വിരുന്നുകൊടുപ്പതി-

നെന്തൊരു സംശയമധുനാ ചിന്തയിൽ

ദ്രുപ്യൽപാദാതകോലാഹലകലിതജനസ്തോമ‌മായാന്തമേനം

ദുർവ്വാരോദ്ദാമവീര്യം രവിജസുരനദീസൂനുമുഖ്യൈഃ പരീതം

സീമാതീതപ്രതാപം കനകമണിരഥാധിഷ്ഠിതം നാഗകേതും

ദൂരാൽ സം‌പ്രേക്ഷ്യ രക്ഷോപതിരിതി സഹജാവബ്രവീൽ സപ്രരോഷം
 

അരുതരുതംഗനരാധിപസുമതേ! സുരനദിമകനൊടു വൈരമിദാനീം

കരുതുകിലിതു ബത വീരന്മാരേ! പരപരിഹാസനിദാനമതല്ലോ!
 

ഗിരമിതു കേൾപ്പിൻ മേ സുരതടിനീസുത!

ധീര കർണ്ണ! ഗിരമിതു കേൾപ്പിൻ

എന്തുചൊന്നു കിഴവാധമ കുമതേ!

ഹന്ത നിന്മദമടക്കുവനധുനാ
 

കിന്തു പിതാവുരചെയ്ത വരത്തി-

നന്തരമാശു വരുത്തുവനിഹ ഞാൻ
 

തൃണസമനാകിയ നിന്നുടെ ഹുംകൃതി

രണഭുവി തീർത്തൊരു പതമാക്കാതെ
 

ഗുണനിധി ഞാനുമടങ്ങുവനല്ലാ

ക്ഷണതരമെന്നൊടു വരിക ദുരാത്മൻ!

സുരുചിരവാക്യം തേ കുമതിശിരോ ധൃതിഹീര! കർണ്ണ!

സുരുചിരവാക്യം
 

കരുതുകിലയി വീര്യം രസനാഗ്രേ

പരിചിനൊടു ഭവതി സകലമത്രപ ജള!
 

അർദ്ധരഥാധമമകുടമണേ, നീ

യുദ്ധം പരിചിനോടേൽക്കുന്നേരം
 

ബദ്ധഭയം പുനരോടിയൊളിപ്പാൻ

ബുദ്ധിയിലോർത്തരുളുന്നിടമെവിടം?
 

തന്നെത്താനറിയാത്ത മഹാത്മൻ

ചെന്നു രിപുക്കളോടേൽക്കുന്നേരം
 

നിന്നുടെ കഥകഴിയും തരസാ നീ

വന്നവഴിക്കു ഗമിക്കുക നല്ലൂ

മാമുനിമാർമൗലിമണേ! മാമകവിക്രമാധിക്യാ-

ലാമയമോടരിസഞ്ചയം കാടുകൾതോറും
 

താമസിപ്പതോർത്തു കാൺകിലോ,

പൊർവതിനൊരുമയിലിഹ ഭുവി വരുവതി-

നൊരു വിരുതൻ നഹി കരുതുക സുമതേ!
 

ദുർമ്മതികളവർക്കു ഞാൻ ധർമ്മരാജാലയം തന്നെ

ശർമ്മമോടിരിപ്പതിനഹോ നൽകു‌വൻ
 

ശീഘ്രം ദുർമ്മദമടക്കിയീ നൃപൻ

ഉടമയോടടലതിലടിമുടി പൊടിപെടു-

മുടനുടനടിയിടിപടുതയിലേറ്റവർ
 

ചൊൽപ്പെങ്ങും സമുദ്രമേഴും കെൽപ്പോടു കടന്നവനൊ-

രൽപ്പസരിത്തിനെക്കടപ്പാനൽപ്പവും ഭീതി
 

കടുക്കും‌മസ്തകം തല്ലിപ്പൊടിക്കുമെന്നുരച്ചേറ്റം

ചൊടിക്കുന്നെന്തിനിങ്ങേതും മടക്കമില്ല
 

പൊടുക്കനേ ഭവാന്മാരെ ഒടുക്കുവാനൊരുമ്പെടും

തടുക്ക മൽക്കരമിതു മിടുക്കരെന്നാൽ

ചൊടിച്ചവന്മദമുള്ളിൽ നടിച്ചീടും രിപുക്കളെ

പിടിച്ചു മസ്തകം തല്ലിപ്പൊടിച്ചീടുന്ന
 

തടിച്ചമൽഗദകൊണ്ടിട്ടടിച്ചു നിൻതലയിപ്പോൾ

ഉടച്ചീടും രണഭുവി മടിച്ചീടാതെ

ഒരുത്തനെന്നോർത്തു നിങ്ങൾ പെരുത്തഹങ്കാരത്തോടെ

കരുത്തതു നടിച്ചേവമുരത്തീടുകിൽ
 

വിരുദ്ധന്മാർക്കന്തകൻ ഞാനിരുത്തുവൻ വൈകർത്തന-

പുരത്തിലിന്നതിതരാം കുരുത്തരുഷാ
 

ദുർബ്ബലരേ, മമ പദതളിർ തൊഴുതിഹ കെൽപ്പൊടുപോകുചിതം

തിമർത്ത രണാങ്കണത്തിൽ നിരർത്ഥമാക്കി നിൻബല-

മമർത്യനായകപുരേ അമർത്തീടുവൻ
 

കിമർത്ഥം നീയഹംഭാവ സമൃദ്ധിയോടിരിക്കുന്നു

സമർത്ഥനെങ്കിലോ നീയുമെതിർത്തീടുക