ചന്ദ്രമുഖിമാരേ കാൺക ചാരുതരമഹോ

ചന്ദ്രനിതാ വിലസുന്നു സാന്ദ്രമോദകരൻ

സോമബിംബസിതമണി കോമളപഞ്ജരേ

സാമോദമങ്കകോകില കാമിനീ വാഴുന്നു

നിങ്ങളുടെ വദനവും നിജമണ്ഡലവും

നിർമലകരനറിവാൻ നൂനമങ്കിതനായി.

മാരവീര വീരപാണ ചാരുഭജനമോ

കേൾക്കെണം എന്നുടയ വാക്കേവം ചൊല്ലീടുന്ന-

തോർക്കേണമൊരു സുഖവും വേണ്ടായെന്നോ എനിക്ക്?

ഊക്കേറിന വീരന്മാർകളിലഗ്രനായ് മേവീടുന്ന

അഗ്രജ, മമ പാണിഗ്രഹണം നീ ചെയ്യിക്കേണം

വന്നുകരേറി യൗവ്വനം ഇന്നു വൃഥാ ഭവിച്ചു

തരുണാരുണസാരസനയനേ, തരുണീജനമകുടമണേ, കേൾ

തരസാ ഞാൻ നിന്നെ ലഭിച്ചതു തരുണാംഗീ, എന്നുടെ ഭാഗ്യം

ദിക്പാലകരെല്ലാം മമ ഭുജവിക്രമശങ്കിതരായല്ലൊ

ഉത്പലമിഴി, നിന്നിലെ വാഞ്ച്ഛ സമർപ്പിച്ചതുമോർക്കിലിദാനീം

ലോചനമെന്തിനു ബത സുമുഖീ, മീലനമതു ചെയ്തീടുന്നു?