മാർത്താണ്ഡപ്രതിമാഭപൂണ്ടരിരഥസ്യാഗ്രേ നടന്നൂ ജവാൽ

പ്രീത്യാ ദാരുകനും തെളിച്ചു വിരവോടോടിച്ചു തേരഞ്ജസാ!

നിത്യാനന്ദചിദാസ്പദഞ്ച ഭുവനം കാണായി കൗതൂഹലാൽ

ഭൈത്യാരാതി സുരാധിനാഥസുതനോടിത്യാഹ ബദ്ധാദരം
 

 

ലോകാലോകപർവതംതന്നുടെ പശ്ചിമമാം

ഭാഗമിവിടംകേൾക്ക നിന്നുടെ
 

ശോകത്തെത്തീർപ്പാൻ മമചക്രവും വേഗാ-

ലാഗമിച്ചീടുമ്പോൾ പോം വ്യഗ്രവും പാർത്ഥാ! 

ലോകാനന്ദനനേവമർജ്ജുനനൊടും സാകം കരേറി രഥേ

വേഗാൽ പശ്ചിമദിക്കിലേക്കഥ വിയന്മാർഗ്ഗേണ പോയാന്മുദാ!

ലോകാലോകമുടൻ കടന്നൊരളവിൽ ഘോരാന്ധകാരാകുലം

പാകാരാതി സുരാധിനാഥസുതനോടിത്യാഹ ബദ്ധാദരം
 

 

തേരിതു മാമകദാരുകനീതം മാരുതതുല്യരയം

സ്വൈരമിതിൽകരയേറിമയാസഹ പോരിക പൗരവ നീ

ആരണബാലരെക്കൊണ്ടിഹപോന്നിടാം

ജഗന്നാഥനേയും കാണാം സകുതുകം

നരപാലവര ഘോരം പൊരുതുവിരുതുകൾ കരുതുമൊരു തവ

ഗുരുതരബലമെല്ലാമറിയാമിഹ വരിക മുഷ്ടികൾ കണ്ടാൽ
 

തിരിയുമരിബലമാരിതെന്നതു ധൈര്യവീര്യവിഹീന പോരിനു

നേരിടുന്നൊരു നിന്നെ വെല്ലുവൻ
 

അതിമൂഢ നൃപാധമ മതി ദുർമ്മോഹം

വേണ്ട ദുർമ്മദം ചാണൂര മുഷ്ടിക വാക്കു-

കൊണ്ടു ജയിച്ചീടാ വീര നിങ്ങളെ വെല്ലുവൻ
 

രണ്ടുപക്ഷം നമുക്കില്ല കണ്ടുകൊൾക വീര്യമെല്ലാം

ഇണ്ടലെന്നിയേ പടയിൽ കണ്ടക മുഷ്ടികൾകൊണ്ടുവിരണ്ടു നീ
 

മണ്ടിടും ഭയമാണ്ടിടും കേളുണ്ടോ സന്ദേഹം വന്നീടുക

രേ രേ ഹേ മല്ലന്മാരേ വൈകാതെ വന്നീടിൻ

മല്ലന്മാരാകുന്നു നിങ്ങൾ പാർക്കിലെത്രയും

വല്ലവബാലന്മാർ ഞങ്ങൾ സംഗരത്തിന്നു
 

കല്ല്യരെന്നാലുമിന്നു തുല്യസമരം ചെയ്യുന്നു

കൊല്ലുവെൻ നിങ്ങളെ വന്നാൽ
 

കില്ലതിനില്ലതുമല്ലിഹ മല്ലക വല്ലാതേ ബഹു

ചൊല്ലാതെ നീ സല്ലാപേന ജയിക്കുമോ ചൊല്ലുക

 

രേ രേ ഹേ മല്ലന്മാരേ വൈകാതെ വന്നീടിൻ

മൂർഖനായ നിന്നെയും നിൻ മുഷ്കേറും ഗജത്തേയും

ആർക്കിപുരേ ചേർപ്പനിന്നു നേർക്ക വന്നു പാർക്കാതെ

ഭൂമിപന്നു കാഴച്ചവച്ചു കാണ്മതിന്നു സാമ്പ്രതം

സാമോദം വന്നതു ഞങ്ങൾ താമസിപ്പിച്ചീടൊല്ല

മത്തഗജകന്ധരത്തിൽ സുസ്ഥിതനാകുന്നൊരു

ഹസ്തിപ ഞങ്ങൾക്കു മാർഗ്ഗം സത്വരം നൽകീടുക