കാൽകൂട്ടി നിന്നു കാട്ടുന്ന സംയുതമുദ്ര.

ഇരുകൈകളിലും പതാകം (ഹ.ദീ.) പിടിച്ച്, ശിരസ്സിനുമുകളിൽ ഭാരം തീങ്ങുന്നതിനെ അനുകരിച്ചു ചലിപ്പിച്ചാൽ ഭാരം എന്ന മുദ്ര.

കാൽകൂട്ടിനിന്ന് കാട്ടുന്ന സംയുതമുദ്ര.

ഇരുകൈകളിലും ഹംസപക്ഷം (ഹ.ദീ.) പിടിച്ച് പരസ്പരം ചേർത്തുരസിക്കൊണ്ട് മുകളിൽ അല്പം ഇടത്തുനിന്ന് വലത്തുതാഴേക്ക് ചലിപ്പിക്കുന്നത് കയർ എന്ന മുദ്ര. കയർ കടകോലിൽ ചുറ്റി, ഇരുകൈകൾകൊണ്ടും കടയുന്നതായി അനുകരിച്ചാൽ കടയുകയെന്ന മുദ്ര.

ഇരുകൈകളിലും മുഷ്ടി (ഹ.ദീ.) പിടിച്ച്, കൈകൾ ചുഴറ്റി, വലംകൈകൊണ്ട് നല്കുക എന്ന അർഥത്തിൽ മുഷ്ടി, ഹംസപക്ഷ (ഹ.ദീ.) മാക്കുന്നു. പിന്നീട് ഇരുകൈകളിലെയും ഹംസപക്ഷം നീട്ടി, മുന്നിൽനിന്ന് വാങ്ങുന്നതിനെയും അനുകരിക്കുന്നു. ഇത് പല തവണ ആവർത്തിക്കുന്നു.