ചവിട്ടിച്ചുഴിച്ചു ചാടിക്കാട്ടുന്ന സംയുതമുദ്ര

 

ഇരുകൈകളും നെറ്റിക്കുമുന്നിൽ തൊഴുതുപിടിച്ച് ഇരുവശത്തേക്കും അകറ്റി, ഇടംകയ്യിൽ കടകവും (ഹ.ദീ.) വലംകയ്യിൽ ഹംസപക്ഷവും (ഹ.ദീ.) പിടിക്കുക.

സംയുതമുദ്ര

 

മൂറിനുമുന്നിൽ ഒരുമിച്ചുവച്ച കപിത്ഥകമുദ്രകൾ (ഹ.ദീ.) പരസ്പരം അകറ്റി മലർത്തിയാൽ വേർപെടുക, അകലുക എന്നെല്ലാമുള്ള മുദ്രകൾ.

കാല് കൂട്ടിക്കാണിക്കുന്ന സംയുതമുദ്ര

 

ഇടംകയ്യിലെ മുഷ്ടി (ഹ.ദീ.) മാറിനുമുന്നിൽ പിടിച്ച് വലംകയ്യിലെ ഹംസപക്ഷം (ഹ.ദീ.) അതിനുമുകളിലൂടെ വലത്തേക്കു ചുഴിച്ചെടുത്ത് മറുകയ്യിനു സമം കൊണ്ടുവന്ന് മുഷ്ടി (ഹ.ദീ.) പിടിക്കുക.

കാൽകൂട്ടിനിന്നു കാട്ടുന്ന സംയുതമുദ്ര

 

ഇരുകൈകളിലെയും ഹംസപക്ഷം (ഹ.ദീ.) മാറിനുമുന്നിൽനിന്ന് ചുഴിച്ചെടുത്ത് മാറിനുമുന്നിൽത്തന്നെ കൊണ്ടുവന്ന് മലർത്തി, പതാകം (ഹ.ദീ.) പിടിച്ചാൽ ദാസൻ, ഭക്തി എന്നെല്ലാം അർഥമാകുന്ന മുദ്ര.

വലംകൈകൊണ്ടു കാട്ടുന്ന അസംയുതമുദ്ര

 

സൂചികാമുഖം (ഹ.ദീ.) മാറിനുമുന്നിൽ പിടിച്ച്, നാളെ എന്നർഥം വരുമ്മാറ് മറിച്ചാൽ നാളെ, അടുത്തത് എന്നെല്ലാമുള്ള മുദ്ര.

സംയുതമുദ്ര

 

ഇരുകൈകളിലെയും മുഷ്ടി (ഹ.ദീ.) ചുണ്ടിനുമുന്നിൽ പിടിച്ചു വിട്ട് ഇളക്കിക്കൊണ്ട് മുന്നിലേക്കു നീട്ടി അവസാനിപ്പിക്കുന്നത് ഗർജ്ജനം.

മുന്നിലേക്ക് ചവിട്ടിച്ചാടിയോ കാൽതൂക്കിവച്ചോ കാട്ടുന്ന സംയുതമുദ്ര

 

ഇരുവശത്തും അരയ്ക്കുസമം മുഷ്ടി പിടിച്ച്, രണ്ടും ഒരുമിച്ച് നെറ്റിക്കു മുന്നിൽ ഹംസപക്ഷമാക്കി കൂട്ടിയടിച്ച്, വിരലുകൾകൊണ്ട് വിനാശത്തെ സൂചിപ്പിക്കുന്നവിധം ചലിപ്പിച്ച്, താവെ അരയ്ക്കുസമം വന്ന് സമ്പൂർണ്ണവിനാശത്തെ സൂചിപ്പിച്ച് കൈകൾ പരത്തിവിട്ട് അവസാനിപ്പിക്കുക.

ചവിട്ടിച്ചാടി വലംകൈകൊണ്ടു മാത്രം കാട്ടുന്ന അസംയുതമുദ്ര

 

വലംകൈ ഹംസപക്ഷം (ഹ.ദീ.) നെറ്റിക്കു സമം വലതുവശത്തു പിടിച്ച് താഴേക്കു കൊണ്ടുവന്ന്, വീണ്ടും മുകളിലെത്തി, ഉള്ളിലേക്കു മുഷ്ടി (ഹ.ദീ.) പിടിച്ച്, പുറത്തേക്ക് ചുഴിച്ചുവിട്ട് ഹംസപക്ഷമാക്കുക.

സംയുതമുദ്ര

 

ഇരുകൈകളിലെയും ഹംസപക്ഷം (ഹ.ദീ.) നെറ്റിക്കുമുന്നിൽ ചേർത്ത്, അവിടെനിന്ന് താഴേക്ക് ചുഴിച്ചെടുത്ത് വീണ്ടും നെറ്റിക്കു മുന്നിൽ കൊണ്ടുവന്ന് മുഷ്ടി പിടിച്ച് അവജ്ഞയോടെ മുന്നിലേക്ക് കയ്യെറിഞ്ഞവസാനിപ്പിക്കുക.