ഉത്തരാസ്വയംവരം രംഗം നാലിൽ ത്രിഗർത്തന്റെ തിരനോക്ക് കഴിഞ്ഞ് തന്റേടാട്ടം മുതൽ ഗോക്കളെ അപഹരിക്കലും തുടർന്ന് രംഗം അഞ്ചിൽ വലലനോട് തോറ്റ് പിൻവാങ്ങുന്നതും വരെയുള്ള ത്രിഗർത്തന്റെ ആട്ടത്തെ പൊതുവെ ത്രിഗർത്തവട്ടം എന്ന് പറയുന്നു. രണ്ട് രംഗങ്ങൾ ആയി നീണ്ടതാണ് ത്രിഗർത്തവട്ടം. ആയതിനാൽ മറ്റുള്ളവരുടെ പദങ്ങളും ഇതിൽ ചേർത്തിട്ടുണ്ട്.
ചരണം 1
മത്സരം കലരുന്ന പാണ്ഡവർ
മത്സപത്നരൊളിച്ചു സംപ്രതി
മാത്സ്യ രാജപുരേ ത്രയോദശ
വത്സരത്തെ നയിച്ചിടുന്നിതു.
പല്ലവി
കേൾക്കമേ വചനം ത്രിഗർത്തപതേ! പോക.
മാത്സ്യേശ്വരഗോക്കളെക്കൊണ്ടാശു വരിക ഭവാൻ
ചരണം 2
തൽക്ഷണം പ്രതിപക്ഷരവർ
നൃപപക്ഷപാതമിയന്നു ഗോധന-
രക്ഷണത്തിനു വരികിലിഹ
വിപിനക്ഷിതൌ പോകേണമിനിയും.
പല്ലവി
കൗരവേന്ദ്ര നമോസ്തു തേ! നൃപതേ!
കരവാമ കിം വദ !
കൈരവപ്രിയകുലമണേ ! സുമതേ !
ചരണം 1
വൈരി വാരമതീവ തവ ഭുജ-
ഗൗരവാൽ ഭയമോടു ഗിരി തട-
ഭൈരവാടവിയതിലുമധുനാ
സ്വൈരവാസം ചെയ് വതില്ലിഹ.
Content shared under CC-BY-SA 4.0 license, except some writings under 'Article' section and photographs. Please check with us for more details.